ରିପୋର୍ଟ କାର୍ଡ / ନୂଆଦିଲ୍ଲୀ
୨୦୨୪ ବିଧାନସଭା ନିର୍ବାଚନକୁ ନେଇ ମହାରାଷ୍ଟ୍ରରେ ବିଜେପି ଆରମ୍ଭ କରିଛି ଅଙ୍କକଷା | ବିଜେପି ନେତା ତଥା ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ଶିବସେନା-ବିଜେପି ମେଣ୍ଟକୁ ନେଇ ବଡ ବୟାନ ଦେଇଛନ୍ତି | କହିଛନ୍ତି ଯେ ଶିବସେନା ସହ ମିଳିତ ହୋଇ ତାଙ୍କ ଦଳ ପୂର୍ବରୁ ରାଜନୈତିକ ସମର୍ଥନ ଆଧାରକୁ ବିସ୍ତାର କରିପାରିନଥିଲା । ବର୍ତ୍ତମାନ ଶିବସେନା ବିଜେପି ସହ ସମ୍ପର୍କ ଛିନ୍ନ କରି କଂଗ୍ରେସ ଏବଂ ଏନସିପି ସହ ସରକାର ଗଠନ କରିଥିବାରୁ ରାଜ୍ୟରେ ବିଜେପି ପାଇଁ ସମର୍ଥନ ଆଧାର ବିସ୍ତାର କରିବାକୁ ଏକ ସୁବର୍ଣ୍ଣ ସୁଯୋଗ ରହିଛି। ତେଣୁ ୨୦୨୪ରେ ହେବାକୁ ଥିବା ବିଧାନସଭା ନିର୍ବାଚନରେରେ ବିଜେପି ଏକାକୀ ଲଢେଇ କରିବ | ସୂଚନା ଥାଉ କି ଯେ ୧୯୮୦ ଦଶକରେ ପ୍ରଥମ ଥର ପାଇଁ ମହାରାଷ୍ଟ୍ରରେ ବିଜେପି ଏବଂ ଶିବସେନା ମଧ୍ୟରେ ମେଣ୍ଟ ହୋଇଥିଲା। ଏହା ପରେ ୨୦୧୪ ରେ କିଛି ଦିନ ପାଇଁ ମେଣ୍ଟ ଭାଙ୍ଗିଯାଇଥିଲା | ଉଭୟ ଦଳ ନିଜେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କଲେ। ୨୦୧୪ରେ ପୁଣି ଦୁହିଁଙ୍କ ମଧ୍ୟରେ ମେଣ୍ଟ ହୋଇଥିଲା ଏବଂ ଫଡନାଭିସଙ୍କ ନେତୃତ୍ୱରେ ମହାରାଷ୍ଟ୍ରରେ ସରକାର ଗଠନ କରିଥିଲେ। ୨୦୧୯ ରେ ବିଧାନସଭା ନିର୍ବାଚନରେ ଉଭୟ ଦଳ ପୁନର୍ବାର ଜିତିଥିଲେ। କିନ୍ତୁ ଶିବସେନା କ୍ଷମତାକୁ ନେଇ କଂଗ୍ରେସ ଏବଂ ଏନସିପି ସହାୟତାରେ ସରକାର ଗଠନ କରିଥିଲା |
Discussion about this post