ନିର୍ବାଚନ ଲଢ଼ିବାକୁ ମୋ ପାଖରେ ପଇସା ନାହିଁ…..

ରିପୋର୍ଟ କାର୍ଡ / ନୂଆଦିଲ୍ଲୀ

୨୦୨୪ ଲୋକସଭା ନିର୍ବାଚନ ଲଢିବାକୁ ମନା କଲେ କେନ୍ଦ୍ର ଅର୍ଥ ମନ୍ତ୍ରୀ ନିର୍ମଳା ସୀତାରମଣ । ତାଙ୍କୁ ଜେପି ନଡ୍ଡା ଆନ୍ଧ୍ରପ୍ରଦେଶ କିମ୍ବା ତାମିଲନାଡୁରୁ ନିର୍ବାଚନ ଲଢିବାକୁ ପ୍ରସ୍ତାବ ଦେଇଥିଲେ । କିନ୍ତୁ ନିଜ ପାଖରେ ନିର୍ବାଚନ ଲଢିବାକୁ ଆବଶ୍ୟକ ପଇସା ନାହିଁ ବୋଲି ସେ ଏହି ପ୍ରସ୍ତାବକୁ ପ୍ରତ୍ୟାକ୍ଷାନ କରିଥିବା ଏକ ବୈଠକରେ କହିଛନ୍ତି ନିର୍ମଳା । ବହୁତ ଚିନ୍ତା କରିବା ପରେ ସେ ଦଳର ଏହି ପ୍ରସ୍ତାବକୁ ମନା କରିଦେଇଥିଲେ । ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ସେ କହିଛନ୍ତି “ସପ୍ତାହେ କିମ୍ବା ୧୦ ଦିନ ଚିନ୍ତା କରିବା ପରେ, ମୁଁ କେବଳ ଏହା କହିବାକୁ ଫେରିଲି ଯେ ମୋ ଦ୍ବାରା ତାହା ହେବ ନାହିଁ । ମୁଁ ତାମିଲନାଡ଼ୁରୁ ଲଢେ କିମ୍ବା ଆନ୍ଧ୍ରପ୍ରଦେଶରୁ, ବିଜୟ ମାନଦଣ୍ଡକୁ ନେଇ ପ୍ରଶ୍ନ ପଚରାଯିବ-ଆପଣ ଏହି ସମ୍ପ୍ରଦାୟର ଅଟନ୍ତି ନା ଆପଣ ସେହି ଧର୍ମର ଅଟନ୍ତି? ଆପଣ ସେଠାରୁ ଆସିଛନ୍ତି କି? ଏଣୁ ମୁଁ ତାହା କରିପାରିବି ନାହିଁ ବୋଲି ଭାବିଲି ।” ସେ କହିଛନ୍ତି, “ଦଳ ମୋ ଯୁକ୍ତିକୁ ଗ୍ରହଣ କରିଥିବାରୁ ମୁଁ ବହୁତ କୃତଜ୍ଞ। ଲୋକସଭା ନିର୍ବାଚନ ଲଢ଼ିବା ପାଇଁ ଦେଶର ଅର୍ଥମନ୍ତ୍ରୀଙ୍କ ପାଖରେ ମଧ୍ୟ କାହିଁକି ପର୍ୟ୍ୟାପ୍ତ ଅର୍ଥ ନାହିଁ ବୋଲି ପଚରାଯିବାରୁ ସେ କହିଛନ୍ତି ଯେ ଭାରତର ପାଣ୍ଠି ତାଙ୍କର ନୁହେଁ। ” ଦରମା ମୋର, ରୋଜଗାର ମୋର, ସଞ୍ଚୟ ମୋର, କିନ୍ତୁ ଭାରତର ସଞ୍ଚିତ ପାଣ୍ଠି ମୋର ନୁହେଁ,” ।