ନକଲି ଆଧାର କାର୍ଡ ଦେଖାଇ ସଂସଦରେ ପ୍ରବେଶ କରୁଥିଲେ ୩ ଶ୍ରମିକ….

ରିପୋର୍ଟ କାର୍ଡ / ନୂଆଦିଲ୍ଲୀ

ସଂସଦ ଭବନ ପରିସରରେ କଡ଼ା ସୁରକ୍ଷା ସତ୍ତ୍ବେ ଉତ୍ତରପ୍ରଦେଶର ୩ ଜଣ ଶ୍ରମିକ ନକଲି ଆଧାର କାର୍ଡ ବ୍ୟବହାର ପଶିବାକୁ ‌ଚେଷ୍ଟା କରିବା ଚର୍ଚ୍ଚର ବିଷୟ ହୋଇଛି। ଦିଲ୍ଲୀ ପୋଲିସ ଏହି ୩ ଅଭିଯୁକ୍ତଙ୍କୁ ଗିରଫ କରିଛି। ଆପରାଧିକ ମାମଲାରେ ଦିଲ୍ଲୀ ପୋଲିସ ଦ୍ବାରା ଗିରଫ ହୋଇଥିବା ଏହି ୩ ଅଭିଯୁକ୍ତ ହେଉଛନ୍ତି କାସିମ, ମୋନିସ ଏବଂ ସୋଏବ। ସେମାନେ ଶୁକ୍ରବାର ସଂସଦ ଭବନର ଏଣ୍ଟ୍ରି ଗେଟ୍‌ରେ ପଶିବାକୁ ଯାଉଥିବା ବେଳେ ସେମାନଙ୍କୁ ସିଆଇଏସ୍‌ଏଫ୍‌ ସୁରକ୍ଷାକର୍ମୀ ଅଟକାଇଥିଲେ। ୩ ଅଭିଯୁକ୍ତ ଯେତେବେଳେ ସିଆଇଏସ୍‌ଏଫ୍‌ ସୁରକ୍ଷାକର୍ମୀଙ୍କୁ ସେମାନଙ୍କ ଆଧାର କାର୍ଡ ଦେଇଥିଲେ ତାହା ସନ୍ଦେହ ସୃଷ୍ଟି କରିଥିଲା। କାର୍ଡ ଯାଞ୍ଚ କରିବା ପରେ ଏହା ନକଲି‌ ବୋଲି ଜଣାପଡ଼ିଥିଲା। ଗିରଫ ହୋଇଥିବା ୩ ଅଭିଯୁକ୍ତଙ୍କୁ ସିଆଇଏସ୍‌ଏଫ୍‌ ସୁରକ୍ଷାକର୍ମୀଙ୍କ ଦ୍ବାରା ଦିଲ୍ଲୀ ପୋଲିସକୁ ହସ୍ତାନ୍ତର କରାଯାଇଛି ଏବଂ ଏନେଇ ଆଇପିସିର ବିଭିନ୍ନ ଧାରା ଅଧୀନରେ ସେମାନଙ୍କ ବିରୋଧରେ ଏତଲା ରୁଜୁ ହୋଇଛି। ଦିଲ୍ଲୀ ପୋଲିସ ଉକ୍ତ ୩ ଜଣଙ୍କୁ ଗିରଫ କରିଛି। ସୂଚନାଯୋଗ୍ୟ, ଗତ ବର୍ଷ ସଂସଦ ଭବନରେ ବଡ଼ ଧରଣର ସୁରକ୍ଷା ତ୍ରୁଟି ଦେଖିବାକୁ ମିଳିବା ପରେ ଏହାର ସୁରକ୍ଷା ଦାୟିତ୍ବ ସିଆଇଏସ୍‌ଏଫ୍‌କୁ ହସ୍ତାନ୍ତର କରାଯାଇଛି।