ଭାରତ-ପାକିସ୍ତାନ ଯୁଦ୍ଧ ବିରାମ ପାଇଁ ମୁଁ ସାହାଯ୍ୟ କରିଥିଲି…..

ରିପୋର୍ଟ କାର୍ଡ / ନୂଆଦିଲ୍ଲୀ

ଭାରତ-ପାକିସ୍ତାନ ଯୁଦ୍ଧବିରତି ଉପରେ ପୁଣି ଥରେ ବଡ ବୟାନ ଦେଇଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ସେ କହିଛନ୍ତି ଯେ ଯୁଦ୍ଧ ବିରାମ ପାଇଁ ମୁଁ ସାହାଯ୍ୟ କରିଥିଲି । ଏହା କରି ସେ ଏକ ସମ୍ଭାବ୍ୟ ପରମାଣୁ ଯୁଦ୍ଧକୁ ରୋକିଥିଲେ । ହ୍ୱାଇଟ୍‍ ହାଉସରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଟ୍ରମ୍ପ ଏଭଳି ଦୃଢୋକ୍ତି ପ୍ରକାଶ କରିଛନ୍ତି । ଟ୍ରମ୍ପ କହିଥିଲେ ଯେ ଆମେ ଭାରତ ଏବଂ ପାକିସ୍ତାନକୁ ଯୁଦ୍ଧରୁ ରୋକିଥିଲୁ । ମୁଁ ଭାବୁଛି ଯେ ଏହା କ୍ରମଶଃ ପରମାଣୁ ବିପର୍ଯ୍ୟୟରେ ପରିଣତ ହୋଇଥାନ୍ତା । ଏହି ସମୟରେ ଟ୍ରମ୍ପ ଉଭୟ ଦେଶର ନେତା ଏବଂ ଅଧିକାରୀମାନଙ୍କୁ ଧନ୍ୟବାଦ ମଧ୍ୟ ଜଣାଇଥିଲେ । ଯୁଦ୍ଧବିରତି କରିଥିବାରୁ ଉଭୟ ଦେଶର ନେତାଙ୍କୁ ଧନ୍ୟବାଦ ଦେବାକୁ ଚାହୁଁଛି । ବାଣିଜ୍ୟ ସମ୍ପର୍କରେ ପ୍ରଶ୍ନ ପଚାରିବାରୁ ଟ୍ରମ୍ପ କହିଛନ୍ତି ଯେ ପରସ୍ପର ଗୁଳି ଚଳାଉଥିବା ଏବଂ ପରମାଣୁ ଅସ୍ତ୍ର ବ୍ୟବହାର କରୁଥିବା ଲୋକଙ୍କ ସହିତ ବ୍ୟବସାୟ କରିପାରିବୁ ନାହିଁ । ସେ କହିଛନ୍ତି ଯେ ସାମରିକ କ୍ଷମତା ଏବଂ ନେତୃତ୍ୱ ଆଧାରରେ ଆମେରିକା ବିଶ୍ୱ ସଂଘର୍ଷକୁ ରୋକିବାରେ ଏକ ବଡ ଭୂମିକା ଗ୍ରହଣ କରିବ । ଅନ୍ୟପକ୍ଷରେ ଭାରତର ବୈଦେଶିକ ମନ୍ତ୍ରୀ ଏସ୍‍ ଜୟଶଙ୍କର ଏହି ପ୍ରସଙ୍ଗରେ ସ୍ପଷ୍ଟ କରିଛନ୍ତି ଯେ ଏହି ପ୍ରସ୍ତାବ ଆମେରିକାରୁ ଆସିଛି । କିନ୍ତୁ ଆମେ କହିଛୁ ଯେ ଯଦି ପାକିସ୍ତାନ ନିଜେ ଏହି ପ୍ରସ୍ତାବ ଦିଏ ତେବେ ଆମେ ଏହାକୁ ବିଚାର କରିବୁ । ପାକିସ୍ତାନ ସହିତ ଯୁଦ୍ଧବିରତି ନିଷ୍ପତ୍ତି ସମ୍ପୂର୍ଣ୍ଣ ଦ୍ୱିପାକ୍ଷିକ ଥିଲା । ଯାହାକୁ ଉଭୟ ଦେଶର ଡିଜିଏମଓ ନେଇଥିଲେ । ଭାରତ ସର୍ବଦା ତୃତୀୟ ପକ୍ଷ ମଧ୍ୟସ୍ଥତାର ଦାବିକୁ ପ୍ରତ୍ୟାଖ୍ୟାନ କରିଆସିଛି । ଏହା ବ୍ୟତୀତ, ଜୋର ଦେଇ କହିଛି ଯେ ଆମେ ପାକିସ୍ତାନରୁ ଆସିଥିବା ଯୁଦ୍ଧବିରତି ପ୍ରସ୍ତାବକୁ କେବଳ ସେତେବେଳେ ବିଚାର କରିଥିଲୁ ଯେତେବେଳେ ଏହା ପ୍ରସ୍ତାବ ଆସିଥିଲା । ଏହା ସହିତ ସ୍ପଷ୍ଟ କରାଯାଇଛି ଯେ ଆମେରିକା ସହିତ ଚାଲିଥିବା ବାଣିଜ୍ୟ ଚୁକ୍ତି ସହିତ କୌଣସି ସମ୍ପର୍କ ନାହିଁ ।