Report Card Odisha

| Daily Odia News

୧୦ ବର୍ଷରେ ୯୦୦ ଲୋକ ୭୫୦ ହାତୀଙ୍କ ମୃତ୍ୟୁ……

ରିପୋର୍ଟ କାର୍ଡ / ଭୁବନେଶ୍ୱର

ମାନବ-ହାତୀ ସହବସ୍ଥାନ ଆନ୍ତର୍ଜାତୀୟ କର୍ମଶାଳାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେଇ କହିଛନ୍ତି, ହାତୀ କରିଡ଼ରରେ ଓଡ଼ିଶା ଦେଶରେ ଏକ ନମ୍ବର ସ୍ଥାନ ହାସଲ କରିଛି। ସହରୀକରଣ, ଭିତ୍ତିଭୂମି, କୃଷିର ସଂପ୍ରସାରଣ ଫଳରେ ହାତୀ ମଣିଷ ଲଢ଼େଇ ହେବା ଅତ୍ୟନ୍ତ ଦୁର୍ଭାଗ୍ୟଜନକ। ଏହାକୁ ରୋକିବାକୁ ସରକାର ଅନେକ ପଦକ୍ଷେପ ହାତକୁ ନେଇଛନ୍ତି। ଜଙ୍ଗଲରେ ଜଳ ଉତ୍ସ ନିର୍ମାଣ କରାଯାଇଛି। ୨୧୦୦ ହାତୀଙ୍କର ଘର ହେଉଛି ଓଡିଶା। ବନ ସୁରକ୍ଷା ସମିତି, ଗଜସାଥୀ ଦ୍ୱାରା ହାତୀଙ୍କୁ ସୁରକ୍ଷା ଦିଆଯାଉଛି। ଯେଉଁଠି ସମସ୍ୟା ହେଉଛି ସେଠି ହାତୀ ସ୍କ୍ବାଡ, ରାପିଡ଼ ରେସପନ୍ସ ଟିମ୍ ସାଙ୍ଗେ ସାଙ୍ଗେ ପହଞ୍ଚୁଛନ୍ତି। ମୃତ୍ୟୁ ପାଇଁ ସାଙ୍ଗେ ସାଙ୍ଗେ କ୍ଷତିପୂରଣ ଦିଆଯାଉଛି। ସର୍ଭିଲାନ୍ସ ପାଇଁ ଜିପିଏସ, ରେଡ଼ିଓ ସ୍କଲାର, ଏଆଇ କ୍ୟାମେରା ବ୍ୟବହାର କରାଯାଉଛି। ଆମ ସମସ୍ତଙ୍କୁ ମିଶି ହାତୀ ଏବଂ ମଣିଷ ଯେଭଳି ନିରାପଦରେ ରହିବେ ସେଭଳି ବାତାବରଣ ତିଆରି କରିବାକୁ ହେବ ବୋଲି ମୁଖ୍ୟମନ୍ତ୍ରୀ ଆହ୍ୱାନ ଦେଇଛନ୍ତ। ଗତ ୧୦ ବର୍ଷରେ ହାତୀ ମଣିଷ ଲଢେଇରେ ୯୦୦ ଜୀବନ ଯାଇଥିବା ବେଳେ ୭୫୦ ହାତୀ ପ୍ରାଣ ହରାଇଛନ୍ତି ବୋଲି ମୁଖ୍ୟମନ୍ତ୍ରୀ କହିଛନ୍ତି।

Breaking News