କଟକ ହିଁଂସା ପାଇଁ ଭାଜପାକୁ ଦୋଷୀ କଲେ ମମତା,ପ୍ରତିକ୍ରିୟା ଦେଲେ ମନମୋହନ…..

ରିପୋର୍ଟ କାର୍ଡ / ଭୁବନେଶ୍ୱର

ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନର୍ଜୀ କଟକରେ ସାମ୍ପ୍ରଦାୟିକ ହିଂସା ଘଟଣାକୁ ଭାରତୀୟ ଜନତା ପାର୍ଟି (ଭାଜପା) ଓ ବଜରଙ୍ଗ ଦଳର ଷଡ଼ୟନ୍ତ୍ର ବୋଲି ଅଭିଯୋଗ କରିଛନ୍ତି। ସେ କହିଛନ୍ତି ଯେ, କଟକ “ଜଳୁଛି” ଏବଂ ଭାଜପା ସାମ୍ପ୍ରଦାୟିକ ସଂଘର୍ଷ ବଢ଼ାଇବାରେ ଲଗାଯାଉଛି।ମମତା କହିଛନ୍ତି, “ସେମାନେ (ଭାଜପା) ଦେଶକୁ ଧ୍ୱଂସ କରିବେ। ମୁଁ ଅନେକ ସରକାର ଦେଖିଛି, କିନ୍ତୁ ଏତେ ଅହଂକାରୀ ଓ ସ୍ୱେଚ୍ଛାଚାରୀ ସରକାର କେବେ ଦେଖିନାହିଁ। ଆଜି ସେମାନେ କ୍ଷମତାରେ ରହିଛନ୍ତି, କାଲି ରହିବେ ନାହିଁ। କିଛି ସ୍ଥାୟୀ ନୁହେଁ।”ମମତାଙ୍କ ଏହି ବୟାନ ପରେ ତୀବ୍ର ପ୍ରତିକ୍ରିୟା ଦେଇଛନ୍ତି ଓଡ଼ିଶା ଭାଜପା ରାଜ୍ୟ ଅଧ୍ୟକ୍ଷ ମନମୋହନ ସାମଲ। ସେ କହିଛନ୍ତି, “ମମତାଙ୍କୁ ନେଇ ମନ୍ତବ୍ୟ କରିବା ଉଚିତ୍ ନୁହେଁ, କିନ୍ତୁ ପଶ୍ଚିମବଙ୍ଗରେ କଣ ହେଉଛି ସମସ୍ତେ ଦେଖୁଛନ୍ତି। ସେ ନିଜର ରାଜ୍ୟରେ ଧ୍ୟାନ ଦେବା ଉଚିତ୍।”ସେହିପରି ଓଡ଼ିଶାର ବରିଷ୍ଠ ଭାଜପା ନେତା ଏବଂ ଆଇନ ମନ୍ତ୍ରୀ ପ୍ରିଥ୍ୱୀରାଜ ହରିଚନ୍ଦନ ମମତାଙ୍କ ବିବୃତିକୁ ଦୁଃଖଜନକ ଓ ନିନ୍ଦନୀୟ ବୋଲି ନିନ୍ଦା କରିଛନ୍ତି। ସେ କହିଛନ୍ତି, “କଟକରେ ଘଟିଥିବା ଘଟଣା ଏକ ଦୁର୍ଘଟଣା ଥିଲା, ସ୍ଥିତି ଏବେ ସମ୍ପୂର୍ଣ୍ଣ ନିୟନ୍ତ୍ରଣରେ ରହିଛି। ସହର ଶାନ୍ତିପୂର୍ଣ୍ଣ। ଓଡ଼ିଶା ବିଷୟରେ ଏଭଳି ବିବୃତି ଦେବା ଠିକ ନୁହେଁ।”