ବାପାମା’ଙ୍କ ଯତ୍ନ ନନେଲେ ଦରମା କାଟିବ……

ରିପୋର୍ଟ କାର୍ଡ / ନୂଆଦିଲ୍ଲୀ

ଦେଶର ଗୋଟିଏ ରାଜ୍ୟରେ କଂଗ୍ରେସ ସରକାର ସରକାରୀ କର୍ମଚାରୀଙ୍କ ପାଇଁ ଏକ ବଡ ଆଦେଶ ଜାରି କରିଛନ୍ତି । ଯଦି ଏହା ସଠିକ୍‌ ଭାବେ ପାଳନ ହୁଏ ଏବଂ ପ୍ରୟାସ କରାଯାଏ ତେବେ ଆଗକୁ ସାରା ଦେଶରେ ଏହାକୁ ଲାଗୁ କରାଯାଇପାରିବ । ପ୍ରକୃତରେ ତେଲେଙ୍ଗାନା ସରକାର ତାଙ୍କ ସରକାରୀ କର୍ମଚାରୀଙ୍କୁ ଚେତାବନୀ ଦେଇଛନ୍ତି ଯେ ଯଦି ସେମାନେ ନିଜର ବୃଦ୍ଧ ପିତାମାତାଙ୍କୁ ହଇରାଣ କରନ୍ତି କିମ୍ବା ଅଣଦେଖା କରନ୍ତି, ତେବେ ସେମାନଙ୍କ ଦରମା ୧୦ପ୍ରତିଶତ କାଟି ଦିଆଯିବ । ଏହି ଦରମାକୁ ସିଧାସଳଖ ପିତାମାତାଙ୍କ ଆକାଉଣ୍ଟକୁ ପଠାଯିବ । ଦରମା ସିଧାସଳଖ ପିତାମାତାଙ୍କ ଆକାଉଣ୍ଟକୁ ଯିବତେଲେଙ୍ଗାନାର ରେଭନ୍ତ ରେଡ୍ଡୀ ସରକାର ପିତାମାତାଙ୍କୁ ଅବହେଳା କରୁଥିବା ଏବଂ ସେମାନଙ୍କ ଯତ୍ନ ନ ନେବାରେ ବିଫଳ ହେଉଥିବା ସରକାରୀ କର୍ମଚାରୀଙ୍କ ଦରମାର ୧୦ ପ୍ରତିଶତ କାଟିବା ପାଇଁ ଏକ ନିର୍ଦ୍ଦେଶ ଜାରି କରିଛନ୍ତି। କଟାଯାଇଥିବା ଦରମା ପିତାମାତାଙ୍କ ଆକାଉଣ୍ଟରେ ଜମା କରାଯିବ। ଏହା ବ୍ୟତୀତ, ରେଡ୍ଡୀ ସରକାର ବରିଷ୍ଠ ନାଗରିକଙ୍କ ପାଇଁ “ପ୍ରଣାମ” ଡେକେୟାର ସେଣ୍ଟର ଖୋଲିବା, ଦିବ୍ୟାଙ୍ଗ ବ୍ୟକ୍ତିଙ୍କ ବିବାହ ପାଇଁ ୨ ଲକ୍ଷ ଟଙ୍କା ଖର୍ଚ୍ଚ କରିବା ଏବଂ ପ୍ରତ୍ୟେକ ପୌର ନିଗମରେ ଟ୍ରାନ୍ସଜେଣ୍ଡର ସଦସ୍ୟଙ୍କୁ ନିଯୁକ୍ତି ଦେବାକୁ ନିଷ୍ପତ୍ତି ନେଇଛନ୍ତି।