ଅଜିତ ପାୱାରଙ୍କ ଦେହାନ୍ତ:ଲୋକସଭାରେ ଶୋକ ……

ରିପୋର୍ଟ କାର୍ଡ / ନୂଆଦିଲ୍ଲୀ

ଲୋକସଭାରେ ଅଜିତ ପାୱାରଙ୍କ ଦେହାନ୍ତ ପାଇଁ ଶୋକସଭା ପାଳନ । ସେ ୧୯୯୧ ମସିହାରେ ଲୋକସଭା ସାଂସଦ ଥିଲେ । ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ତଥା ଏନସିପି ମୁଖ୍ୟ ଅଜିତ ପାୱାରଙ୍କର ଆଜି ସକାଳେ ବିମାନ ଦୁର୍ଘଟଣାରେ ମୃତ୍ୟୁ ହୋଇଛି । ତାଙ୍କ ପରଲୋକରେ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ରାଜ୍ୟରେ ଛୁଟି ଏବଂ ତିନି ଦିନ ଶୋକ ଘୋଷଣା କରିଛନ୍ତି । ତାଙ୍କ ପରିବାର ସହିତ ପରାମର୍ଶ କରିବା ପରେ ପାୱାରଙ୍କ ଶେଷକୃତ୍ୟ ସମ୍ପର୍କରେ ନିଷ୍ପତ୍ତି ନିଆଯିବ ବୋଲି ଶ୍ରୀ ଫଡନାଭିସ କହିଛନ୍ତି । ତେବେ ଆଜି ସଂସଦର ବଜେଟ ଅଧିବେଶନର ପ୍ରଥମ ଦିବସ ଥିଲା । ଲୋକସଭାରେ ଅଜିତଙ୍କ ପରଲୋକ ଖବରରେ ଏକ ଶୋକସଭା କରାଯାଇଥିଲା । ଅନେକ ସାଂସଦ ପାୱାର ପରିବାର ପ୍ରତି ସମବେଦନା ପ୍ରକାଶ କରିଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାଙ୍କୁ ଗଭୀର ତୃଣମୂଳ ସ୍ତରର ଜନନେତା ଭାବରେ ମନେ ପକାଇଛନ୍ତି । ସେ ପ୍ରଶାସନିକ ବ୍ୟାପାରରେ ପାୱାରଙ୍କ ଦୃଢ଼ ଧାରଣା ଏବଂ ଗରିବ ଓ ଅବହେଳିତ ଲୋକଙ୍କୁ ସଶକ୍ତ କରିବା ପାଇଁ ତାଙ୍କ ପ୍ରତିବଦ୍ଧତା ଉପରେ ଆଲୋକପାତ କରିଛନ୍ତି । କେନ୍ଦ୍ର ଗୃହମନ୍ତ୍ରୀ ଅମିତ ଶାହ ମଧ୍ୟ ମହାରାଷ୍ଟ୍ରର ଉପମୁଖ୍ୟମନ୍ତ୍ରୀ ଅଜିତ ପାୱାରଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି।