ଜାତୀୟ ଅନୁସୂଚିତ ଜନଜାତି କମିଶନଙ୍କୁ ଭେଟିଲେ ସସ୍ମିତ ପାତ୍ର…..

ରିପୋର୍ଟ କାର୍ଡ / ଭୁବନେଶ୍ୱର

ଆଜି ନୂଆଦିଲ୍ଲୀରେ ଅଧ୍ୟକ୍ଷ, ଏନସିଏସଟିଙ୍କ ସମ୍ମୁଖରେ ବିଜେଡି ସାଂସଦ ଡକ୍ଟର ସସ୍ମିତ ପାତ୍ରଙ୍କ ଦ୍ୱାରା ଜାତୀୟ ଅନୁସୂଚିତ ଜନଜାତି କମିଶନରେ ସିଜିମାଲି ମାମଲା ରୁଜୁ କରାଯାଇଛି। ଜାତୀୟ ଅନୁସୂଚିତ ଜନଜାତି କମିଶନର ଅଧ୍ୟକ୍ଷ ଶ୍ରୀ ଅନ୍ତର ସିଂହ ଆର୍ଯ୍ୟ ଆଜି ସକାଳେ ନୂଆଦିଲ୍ଲୀସ୍ଥିତ ତାଙ୍କ କାର୍ଯ୍ୟାଳୟରେ ବିଜେଡି ସାଂସଦ ଡକ୍ଟର ସସ୍ମିତ ପାତ୍ରଙ୍କ ଦ୍ୱାରା ଓଡ଼ିଶାର ସିଜିମାଳିରେ ବକ୍ସାଇଟ୍ ଖଣି ପ୍ରକଳ୍ପକୁ କେନ୍ଦ୍ରକରି ସୃଷ୍ଟି ହୋଇଥିବା ଉତ୍ତେଜନାପୂର୍ଣ୍ଣ ପରିସ୍ଥିତି ଏବଂ ଆଦିବାସୀଙ୍କ ଉପରେ ପୁଲିସର କାର୍ଯ୍ୟାନୁଷ୍ଠାନକୁ ନେଇ ସମ୍ପର୍କିତ ଘଟଣାକୁ ନେଇ ଆବେଦନ ଗ୍ରହଣ କରିଛନ୍ତି। ମାମଲା ରୁଜୁ କରିବା, ନୋଟିସ୍ ଜାରି କରିବା ଏବଂ ଜବାବ ମାଗିବା ସମେତ କାର୍ଯ୍ୟାନୁଷ୍ଠାନ ଗ୍ରହଣ କରିବାର ପ୍ରତିଶ୍ରୁତି ଦେଇଛନ୍ତି ଜାତୀୟ ଅନୁସୂଚିତ ଜନଜାତି କମିଶନ। ଏହା ଅନୁଯାୟୀ, ଏନସିଏସଟିରୁ ଏକ ଦଳ ସିଜିମାଳି ଗସ୍ତ କରିପାରିବେ। ଡକ୍ଟର ସସ୍ମିତ ପାତ୍ରଙ୍କୁ ଜାତୀୟ ଅନୁସୂଚିତ ଜନଜାତି କମିଶନଙ୍କ ସମ୍ମୁଖରେ ଏହି ମାମଲାର ଆବେଦନକାରୀ ଭାବରେ ସୂଚନା ପ୍ରଦାନ କରାଯିବ ଏବଂ ଅଧ୍ୟକ୍ଷ ବ୍ୟକ୍ତିଗତ ଭାବରେ ଏହି ମାମଲାର ଶୁଣାଣି କରିବେ। ସୂଚନାନୁଯାୟୀ, ରାୟଗଡ଼ା ଜିଲା ସିଜିମାଳିରେ ପ୍ରସ୍ତାବିତ ବକ୍ସାଇଟ୍ ଖଣି ପ୍ରକଳ୍ପକୁ କେନ୍ଦ୍ରକରି ସୃଷ୍ଟି ହୋଇଥିବା ଉତ୍ତେଜନାପୂର୍ଣ୍ଣ ପରିସ୍ଥିତି ଏବଂ ଆଦିବାସୀଙ୍କ ଉପରେ ପୁଲିସର କାର୍ଯ୍ୟାନୁଷ୍ଠାନକୁ ନେଇ ଜାତୀୟ ଅନୁସୂଚିତ ଜନଜାତି କମିଶନଙ୍କ ନିକଟରେ ଏକ ପିଟିସନ ଦାଖଲ କରିଥିଲେ ସାଂସଦ ଡ. ସସ୍ମିତ ପାତ୍ର। ତୁରନ୍ତ ଏହି ଘଟଣାକୁ ନେଇ ଏକ ଉଚ୍ଚସ୍ତରୀୟ କମିଟି ଗଠନ କରାଯାଉ ଏବଂ ତଦନ୍ତ କରାଯାଉ ବୋଲି ସସ୍ମିତ୍ କହିଥିଲେ। ଆହୁରି ମଧ୍ୟ ସେ କହିଥିଲେ ମୁଁ ଜାତୀୟ ଅନୁସୂଚିତ ଜନଜାତି ଅଧ୍ୟକ୍ଷଙ୍କୁ ମୁଁ ଭେଟିବାକୁ ଚେଷ୍ଟା କରିଥିଲି। କିନ୍ତୁ ସେ ମଧ୍ୟପ୍ରଦେଶ ଯାଇଥିଲେ। ମୁଁ ତାଙ୍କୁ ଫୋନରେ ଯୋଗାଯୋଗ କରିଥିଲି। ସେ ମୋ ସହ ବହୁ ଆଦର ଏବଂ ସମ୍ମାନର ସହ କଥା ହୋଇଥିଲେ। ମୁଁ ତାଙ୍କୁ ସିଜିମାଳି ଘଟଣା ବିଷୟରେ ସମ୍ପୂର୍ଣ୍ଣ ଅବଗତ କରିଥିଲି। ସେ ତାଙ୍କୁ ଇମେଲ କରିଥିବା କଥା ମଧ୍ୟ କହିଥିଲେ।