ପରକୀୟା ପ୍ରୀତିକୁନେଇ ଭାଇକୁ ହାଣିଲା ଭାଇ….

ରିପୋର୍ଟ କାର୍ଡ / କଟକ

ପରକୀୟା ପ୍ରୀତିକୁନେଇ ଭାଇକୁ ହାଣିଲା ଭାଇ | ଯୁବକଙ୍କୁ ଟାଙ୍ଗିଆରେ ହାଣି ବିଭତ୍ସ ହତ୍ୟା କରାଯାଇଛି । ଅଭିଯୁକ୍ତଙ୍କୁ ଗିରଫ କରିଛି ପୋଲିସ । ଏଭଳି ଘଟଣା ଘଟିଛି କଟକ ଜିଲ୍ଲା ଟାଙ୍ଗୀ ଥାନା ଜରିପଡ଼ା ପଞ୍ଚାୟଚ ଜଗନ୍ନାଥପୁର ଗାଁରେ। ମିଳିଥିବା ସୂଚନା ଅନୁସାରେ- ଜଗନ୍ନାଥପୁର ଗାଁର ଉମେଶ ଚନ୍ଦ୍ର ସ୍ବାଇଁଙ୍କ ପୁଅ ଗୌରାଙ୍ଗ ସ୍ୱାଇଁକୁ ତାଙ୍କ ବଡ ବାପା ପୁଅ ବିଷ୍ଣୁ ସ୍ୱାଇଁ ଟାଙ୍ଗିଆରେ ହାଣି ବିଭତ୍ସ ଭାବେ ହତ୍ୟା କରିଛି । ଯାହାକି ପୁରା ଅଞ୍ଚଳରେ ଆତଙ୍କ ଖେଳିଯାଇଛି । କିନ୍ତୁ ବର୍ତ୍ତମାନ ପର୍ଯ୍ୟନ୍ତ ହତ୍ୟାର ପ୍ରକୃତ କାରଣ ଜଣାପଡିନଥିବା ବେଳେ, ବିଷ୍ଣୁଙ୍କ ପତ୍ନୀଙ୍କ କହିବା ଅନୁଯାୟୀ ଗୌରଙ୍ଗ ବିବାହିତ ହୋଇ ମଧ୍ୟ ତାଙ୍କ ସହ ଖରାପ ସମ୍ପର୍କ ରଖିବା ପାଇଁ ବାଧ୍ୟ କରୁଥିଲେ । ଏପିରିକି ଫୋନ୍‌କୁ ମେସେଜ କରୁଥିଲେ । ତେବେ ମଙ୍ଗଳବାର ସଂଧ୍ୟାରେ ବାଡିରେ ପଶି ଟଣା ଓଟରା କରିବାରୁ ବିଷ୍ଣୁ ରାଗିଯାଇ ଏକ ଟାଙ୍ଗିଆରେ ଗୋଡାଇ ଗୋଡାଇ ଗୌରାଙ୍ଗକୁ ହାଣିଥିବା ପୋଲିସକୁ କହିଛନ୍ତି । ପୋଲିସ ସ୍ୱାମୀ ଓ ସ୍ତ୍ରୀଙ୍କ ଅଟକ ରଖି ତଦନ୍ତ ଜରିରଖିଛି। ପୋଲିସ ତଦନ୍ତ ପରେ ହତ୍ୟାକାଣ୍ଡର ପ୍ରକୃତ ରହସ୍ୟ ଜଣାପଡିବ।