କାନରେ ଫାଟିଲା Bluetooth ଇଅର୍ ଫୋନ୍, ଚାଲିଗଲା ଯୁବକଙ୍କ ଜୀବନ……

ରିପୋର୍ଟ କାର୍ଡ / ଭୁବନେଶ୍ୱର

Bluetooth ଇଅର୍ ଫୋନ୍ ଲଗାଉଥିଲେ ଅଭ୍ୟାସ ବଦଳାଇ ଦିଅନ୍ତୁ । କାନରେ Bluetooth ଇଅର୍ ଫୋନ୍ ଦେଇ କଥା ହେବା, ଗୀତ ଶୁଣିବା ଆଜିକାଲି ଯୁବପିଢିଙ୍କର ଭାରି ପସନ୍ଦ। ରାସ୍ତାରେ ଚାଲିବା ବେଳେ, ଗାଡି ଚଲାଇବା ବେଳେ ଅଧିକାଂଶ ଯୁବକଯୁବତୀଙ୍କ କାନରେ ଇୟରଫୋନ ଲାଗିଥିବା ଦେଖିବାକୁ ମିଳେ। ଏଇ ଅଭ୍ୟାସ ମୃତ୍ୟୁକୁ ନେଇ ଆସେ | ଯୁବକ ଜଣଙ୍କ କାନରେ Bluetooth ଇଅର୍ ଫୋନ୍ ଲଗାଇ ଗୀତ ଶୁଣୁଥିଲେ । ହେଲେ ହଠାତ୍ ଇଅରଫୋନଟି ଫାଟିଯିବାରୁ ତାଙ୍କର ମୃତ୍ୟୁ ଘଟିଛି । ଏପରି ଏକ ଦୁଃଖଦ ଘଟଣା ଘଟିଛି ରାଜସ୍ଥାନର ଜୟପୁର ଜିଲ୍ଲା ରାକେଶ ନଗର ଅଞ୍ଚଳରେ। କାନରେ ଉକ୍ତ ଇଅରଫୋନ୍ ଥିବାବେଳେ ହଠାତ୍ ବିସ୍ଫୋରଣ ଘଟିବା ଫଳରେ ଯୁବକ ଜଣଙ୍କ ହୃଦଘାତର ଶିକାର ହୋଇ ପ୍ରାଣ ହରାଇଥିବା ଡାକ୍ତର କହିଛନ୍ତି । ମୃତକ ଜୟପୁର ଚଉମୁ ଅନ୍ତର୍ଗତ ଉଦଇପୁରିଆ ଗାଁର । ଗୁରୁତର ଅବସ୍ଥାରେ ତାଙ୍କୁ ନିକଟସ୍ଥ ସିଦ୍ଧିବିନାୟକ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ସେଠାରେ ସେ ପ୍ରାଣ ହରାଇଥିଲେ । ବୋଧହୁଏ ଦେଶର ଏହା ପ୍ରଥମ ଘଟଣା ବୋଲି ଡାକ୍ତର କହିଛନ୍ତି । ପରିବାର ଲୋକ କହିଛନ୍ତି ଯେ ଇଅରଫୋନ୍ ବିସ୍ଫୋରଣ ବେଳେ ସେ ରୁମରେ ଏକୁଟିଆ ଥିଲେ । ତାଙ୍କ ପରିବାର ଲୋକେ ପାଖରେ ଥିବା କ୍ଷେତକୁ ଚାଲି ଯାଇଥିଲେ । ଯୁବକଙ୍କ ଚିତ୍କାର ଶୁଣି ପରିବାର ଲୋକେ ପହଞ୍ଚି ଥିଲେ ।