ରାସ୍ତାରେ ନୀରିହ ଲୋକଙ୍କୁ ଗୁଳିକରି ହତ୍ୟା…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆଫଗାନିସ୍ତାନରେ ତାଣ୍ଡବ ରଚିଛି ତାଲିବାନ। ରାସ୍ତାରେ ନୀରିହଙ୍କୁ ଗୁଳିକରି ହତ୍ୟା କରୁଛି | ତାଲିବାନ ବର୍ବରତାର ଗୋଟିଏ ପରେ ଗୋଟିଏ ଫଟୋ ଓ ଭିଡିଓ ସାମ୍ନାକୁ ଆସୁଛି । ଗୋଟିଏ ଫଟୋରେ ଦେଖିବାକୁ ମିଳିଛି ଯେ, ଆତଙ୍କବାଦୀମାନେ ଆମେରିକା ସୈନ୍ୟ ଭଳି ପୋଷାକ ପିନ୍ଧିବା ସହ ଏମ-୧୬ ରାଇଫଲ୍ ଧରିଛନ୍ତି । ଘରଘର ବୁଲି ନାଟୋ ଓ ଆମେରିକା ସମର୍ଥନକାରୀ ଏବଂ ବିଦେଶୀ ସାମ୍ବାଦିକଙ୍କୁ ଖୋଜୁଛନ୍ତି । କିଛି ଆଫଗାନ ନାଗରିକଙ୍କ ତାଲିକା ସେମାନେ ପ୍ରସ୍ତୁତ କରିଛନ୍ତି । ଧରିବା ପରେ ଗୁଳି କରି ହତ୍ୟା କରୁଛନ୍ତି । ଆପଗାନିସ୍ତାନରେ ଅଷ୍ଟ୍ରେଲିଆର ଏକ ଅନୁଷ୍ଠାନର ସଦସ୍ୟ କହିଛନ୍ତି ଯେ, ହଜାର ହଜାର ନାଗିରକଙ୍କ ଜୀବନ ବିପଦରେ । ଗୁଳି କରି ହତ୍ୟା କରାଯାଉଛି । ଏପରିକି ରାସ୍ତାବି ରକ୍ତରଞ୍ଜିତ ହୋଇଯାଉଛି । ସାମ୍ବାଦିକ ଓ ଟ୍ରାନ୍ସଲେଟରଙ୍କ ଘର ଜାଳିଦିଆଯାଉଛି । ସେ ଆହୁରି କହିଛନ୍ତି ଯେ, ଲୋକଙ୍କୁ ଘରୁ ଘୋଷାଡି ବାହାରକୁ ଅଣାଯାଉଛି । ସମସ୍ତଙ୍କ ଆଗରେ ଗୁଳି କରିଦିଆଯାଉଛି ।ଫଳରେ ଭୟରେ ଅନେକ ବ୍ୟକ୍ତି ନିଜ ଘରଦ୍ୱାର ଛାଡି ଚାଲିଯାଉଥିବା ସେ କହିଛନ୍ତି ।