ବଢ଼ିଲା ସୋନୁ ସୁଦଙ୍କ ଅଡୁଆ……

ରିପୋର୍ଟ କାର୍ଡ / ନୂଆଦିଲ୍ଲୀ

ଅଭିନେତା ସୋନୁ ସୁଦଙ୍କ ବାସଭବନରେ ଆୟକର ବିଭାଗର ୨ ଦିନିଆ ଚଢଉ ପର ଶନିବାର ଆୟକର ବିଭାଗ କହିଛି ଯେ ସୋନୁ ସୁଦଙ୍କ ବିରୋଧରେ ୨୦ କୋଟି ଟଙ୍କାରୁ ଅଧିକ ଟିକସ ଛାଡ ମାମଲା ସାମ୍ନାକୁ ଆସିଛି। ଆୟକର ବିଭାଗ କହିଛି ଯେ (ଏଫସିଆରଏ) ର ଉଲ୍ଲଂଘନ ବ୍ୟତୀତ ସୋନୁ ସୁଦ ଏବଂ ତାଙ୍କ ସହଯୋଗୀମାନେ ୨୦ କୋଟି ଟଙ୍କା ଟିକସ ଫାଙ୍କିଛନ୍ତି। ଆୟକର ବିଭାଗ ଶୁକ୍ରବାର ଦିନ ମୁମ୍ବାଇ, ନାଗପୁର ଏବଂ ଜୟପୁରର ଅଭିନେତା ସୋନୁ ସୁଦଙ୍କ ଅନେକ ଘର ଉପରେ ଚଢଉ କରି ଟିକସ ଛାଡ ମାମଲାରେ ଅଭିଯୋଗ କରିଛି। ଏକ ବିବୃତ୍ତିରେ ସେଣ୍ଟ୍ରାଲ ବୋର୍ଡ ଅଫ୍ ଡାଇରେକ୍ଟ ଟ୍ୟାକ୍ସ (ସିବିଡିଟି) କହିଛି ଯେ ତଦନ୍ତ ବେଳେ ସୋନୁ ଏବଂ ତାଙ୍କ ସହଯୋଗୀଙ୍କ ବିରୋଧ‌ରେ ଟିକସ ଫାଙ୍କିବା ପ୍ରମାଣ ମିଳିଛି। ଆୟକର ବିଭାଗ ସୋନୁ ସୁଦଙ୍କ ମୁମ୍ବାଇସ୍ଥିତ ବାସଭବନ ସହିତ ଏବଂ ଲକ୍ଷ୍ନୌ ରେ ଅବସ୍ଥିତ ଗ୍ରୁପ୍ ରିଏଲ୍ ଇଷ୍ଟେଟ୍ ଗ୍ରୁପ୍‌ରେ ସର୍ଚ୍ଚ ଅପରେସନ କରିଥିଲା। ଦୁଇ ଦିନ ମଧ୍ୟରେ ମୁମ୍ବାଇ, ଲକ୍ଷ୍ନୌ, କାନପୁର, ଜୟପୁର, ଦିଲ୍ଲୀ ଏବଂ ଗୁରୁଗ୍ରାମରେ ମୋଟ ୨୮ ଟି ଘରର ଖୋଳତାଡ କରାଯାଇଛି।