୬୦୦ ଚାଇନିଜ ବ୍ରାଣ୍ଡ୍‌ ବ୍ୟାନ୍‌…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆମାଜନ ପ୍ରାୟ ୬୦୦ ଚାଇନିଜ ବ୍ରାଣ୍ଡ୍‌ ବ୍ୟାନ୍‌ କରିଛି | ୱାଲ୍ ଷ୍ଟ୍ରିଟ୍ ଜର୍ଣ୍ଣାଲ୍ ଦ୍ବାରା ଏହି ରିପୋର୍ଟ ପ୍ରକାଶ ପାଇଛି। ଗ୍ରାହକ ସମୀକ୍ଷାର ଅପବ୍ୟବହାର ଉପରେ ଏହି ନିଷେଧାଦେଶ ଜାରି କରାଯାଇଛି। ରିପୋର୍ଟ ଅନୁଯାୟୀ କିଛି ଷ୍ଟୋର ପଜିଟିଭ୍‌ ରିଭ୍ୟୁ ବଦଳରେ ଗ୍ରାହକଙ୍କୁ ଉପହାର କାର୍ଡ ପ୍ରଦାନ କରିଥାଏ। ଦ ଭର୍ଜ ଅନୁସନ୍ଧାନ ଅନୁଯାୟୀ ଏହି ଅଫରଗୁଡିକ ମଧ୍ୟରୁ କେତେକ ଭିଆଇପି ଟ୍ରାଏଲ୍ ପ୍ରୋଗ୍ରାମ କିମ୍ବା ବର୍ଦ୍ଧିତ ପ୍ରଡକ୍ଟ ୱାରେଣ୍ଟି ଆକାରରେ ମଧ୍ୟ ଅନ୍ତର୍ଭୁକ୍ତ ହୋଇଛି। ଅନ୍ୟ କମ୍ପାନୀଗୁଡିକ ସେହିମାନଙ୍କୁ ପ୍ରୋତ୍ସାହନ ପ୍ୟାକେଜ୍ ପ୍ରଦାନ କରୁଛନ୍ତି ଯେଉଁମାନେ ଖରାପ ରିଭ୍ୟୁ ପୋଷ୍ଟ କରୁଛନ୍ତି। ସେମାନଙ୍କୁ କମ୍ପାନୀ ଏକ ମାଗଣା ପ୍ରଡକ୍ଟ କିମ୍ବା ପୂର୍ଣ୍ଣ ଅର୍ଥରାଶି ଫେରସ୍ତ ଭଳି ଅଫର୍‌ ମଧ୍ୟ ପ୍ରଦାନ କରୁଛନ୍ତି ବୋଲି ଜଣାପଡ଼ିଛି। ଏସିଆ ଗ୍ଲୋବାଲ ସେଲିଂର ଆମାଜନର ଉପାଧ୍ୟକ୍ଷ ସିଣ୍ଡି ତାଇ ଚାଇନା ସେଣ୍ଟ୍ରାଲ ଟେଲିଭିଜନକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଯେ ଏହି କାର୍ଯ୍ୟ ଚୀନ୍ କିମ୍ବା ଅନ୍ୟ କୌଣସି ଦେଶକୁ ଟାର୍ଗେଟ କରିବା ପାଇଁ ଉଦ୍ଦିଷ୍ଟ ନୁହେଁ। ସେ ଆହୁରି ମଧ୍ୟ କହିଛନ୍ତି ଯେ ଏହି ପଦକ୍ଷେପ ପ୍ଲାଟଫର୍ମରେ ଚାଇନା ବ୍ରାଣ୍ଡର ଅଭିବୃଦ୍ଧି ଉପରେ ପ୍ରଭାବ ପକାଇ ନାହିଁ।