ବାର୍ ମାଲିକଙ୍କୁ କଡ୍ଡା ତାଗିଦ୍ କଲେ ଡିସିପି…..

ରିପୋର୍ଟ କାର୍ଡ / ଭୁବନେଶ୍ୱର

କଟକ-ଭୁବନେଶ୍ୱରରେ ନାଇଟ୍‌ କର୍ଫ୍ୟୁ ଜାରିରହି ଥିବା ବେଳେ ବାର ଏବଂ ହୋଟେଲରେ ମଉଜ କରୁଛନ୍ତି ନିଶାଡି | ବାର୍ ମାଲିକଙ୍କୁ ଡିସିପି ଉମାଶାଙ୍କର ଦାଶ କଡ୍ଡା ତାଗିଦ୍ କରିଛନ୍ତି | ବିଳମ୍ବରେ କମିଶନରେଟ ପୋଲିସର ନିଦ ଭାଙ୍ଗିଛି । ନିୟମ ମାନୁ ନାହାନ୍ତି କିଛି ବାର ମାଲିକ । ଅବକାରୀ ବିଭାଗର ଚଢ଼ାଉ ପରେ ବାର ମାଲିକଙ୍କୁ ତାଗିଦ କରିଛନ୍ତି ଭୁବନେଶ୍ୱର ଡିସିପି । ଡ୍ୟାନ୍ସବାର ଭିତରେ ମ୍ୟୁଜିକ୍ ବଜାଇବା ପାଇଁ ଅନୁମତି ନେଇ ନିୟମ ଉଲଂଘନ କରୁଛନ୍ତି ବାର ମାଲିକ । ଗତ କାଲି ରାଜଧାନୀରେ ନିୟମ ଉଲଂଘନ ଯୋଗୁଁ ୩ ବାରକୁ ସିଲ କରିବା ସହ ୩ ବାରକୁ କାରଣ ଦର୍ଶାଅ ନୋଟିସ ଜାରି କରିଥିଲା ଅବକାରୀ ବିଭାଗ । ରାଜଧାନୀରେ କୌଣସି ବାରରେ ମିଉଜିକ ବଜାଇବା ପାଇଁ ଅନୁମତି ଦିଆଯାଇନାହିଁ ବୋଲି ସୂଚନା ଦେଇଛନ୍ତି ଡିସିପି ଉମାଶାଙ୍କର ଦାଶ ।