ରାଜଧାନୀରେ ୩୦ଫୁଟ ତଳକୁ ଖସିଲା କାର୍…..

ରିପୋର୍ଟ କାର୍ଡ / ଭୁବନେଶ୍ୱର

ରାଜଧାନୀ ଭୁବନେଶ୍ୱରରେ ଭାରସାମ୍ୟ ହରାଇ ୩୦ଫୁଟ ତଳକୁ ଖସିଲା ଦ୍ରୁତଗାମୀ କାର୍ | ପଳାସପଲ୍ଲୀ ନିକଟ ପୁନାମାଗେଟ୍ ଓଭରବ୍ରିଜ୍ ନିକଟରେ ଘଟିଛି ଦୁର୍ଘଟଣା । ଶୁକ୍ରବାର ବିଳମ୍ବିତ ରାତି ପ୍ରାୟ ୨ଟା ବେଳେ ଦୁର୍ଘଟଣା ଘଟିଥିବା ସୂଚନା ମିଳିଛି । ଦୁର୍ଘଟଣାରେ ଗାଡିଟି ସମ୍ପୂର୍ଣ୍ଣ ଭାବେ ଭାଙ୍ଗିଯାଇଥିବା ବେଳେ ଡ୍ରାଇଭରଙ୍କ ପତ୍ତା ମିଳିନାହିଁ । ସୂଚନାଯୋଗ୍ୟ ଯେ, ନବୀନ ନିବାସ ପଟୁ ଏକ ଦ୍ରୁତଗାମୀ ଆଇ୨୦ କାର୍ ଭୀମଟାଙ୍ଗୀ ପଟକୁ ଯାଉଥିଲା । ଓଭରବ୍ରିଜ୍ ଚଢିବା ପରେ କାର୍ ଟି ଭାରସାମ୍ୟ ହରାଇଥିଲା । ଫଳରେ ଓଭରବ୍ରିଜ୍ କଡରେ ଲାଗିଥିବା ସୁରକ୍ଷା ବଳୟକୁ ଭାଙ୍ଗି ଗାଡିଟି ୩୦ଫୁଟ ତଳକୁ ଖସିପଡ଼ିଥିଲା । ତେବେ ଖବର ଲେଖାହେବା ସୁଦ୍ଧା ଗାଡି ଡ୍ରାଇଭରଙ୍କ ସମ୍ପର୍କରେ କୌଣସି ସୂଚନା ମିଳିପାରିନାହିଁ।