ଭିଜିଲାନ୍ସ ଜାଲରେ କଟକ ଡ୍ରେନେଜ୍‍ ନିର୍ବାହୀ ଯନ୍ତ୍ରୀ……

ରିପୋର୍ଟ କାର୍ଡ / କଟକ

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ କଟକ ଡ୍ରେନେଜ୍‍ ନିର୍ବାହୀ ଯନ୍ତ୍ରୀ ମନୋଜ ବେହେରାଙ୍କ ଘରେ ଭିଜିଲାନ୍ସ ଚଢ଼ାଉ କରିଛି । ଏକ କାଳୀନ ୪ଟି ସ୍ଥାନରେ ଭିଜିଲାନ୍ସ ଟିମ୍‍ ଚଢ଼ାଉ କରୁଥିବା ଜଣାପଡ଼ିଛି । ଚଢ଼ାଉରେ ଭିଜିଲାନ୍ସର କିଛି ଅଧିକାରୀ ସାମିଲ ରହିଥିବା ଜଣାପଡ଼ିଛି । କଟକ ଓ ଭୁବନେଶ୍ୱରରେ ଥିବା ଘର ଓ ଅଫିସ ଉପରେ ଚଢ଼ାଉ କରୁଛି ଭିଜିଲାନ୍ସ । କଟକର ମହାନଦୀ ବିହାରରେ ଥିବା ଦୁଇ ମହଲା ଘରେ ଚଢ଼ାଉ ଚାଲିଥିବା ବେଳେ କଟକର ଅନ୍ୟ ଦୁଇଟି ସ୍ଥାନରେ ମଧ୍ୟ ଭିଜିଲାନ୍ସ ଚଢ଼ାଉ କରୁଛି । ଏଥିସହିତ ଭୁବନେଶ୍ୱରର ପାହାଳରେ ତାଙ୍କ ପତ୍ନୀଙ୍କ ନାଁରେ ଥିବା ଫ୍ଲାଟରେ ମଧ୍ୟ ଭିଜିଲାନ୍ସ ଚଢ଼ାଉ କରୁଛି । ବେଶ କିଛି ଦିନ ହେବ ରାଜ୍ୟରେ ସକ୍ରିୟ ରହିଛି ଭିଜିଲାନ୍ସ । ପ୍ରତ୍ୟେକ ଦିନ କିଛି ଅସାଧୁ ସରାକାରୀ ବାବୁଙ୍କ ଘରେ ଭିଜିଲାନ୍ସ ଚଢ଼ାଉ କରୁଛି । ଲଗାତର ତିନି ଦିନ ହେବ କିଛି ଅସାଧୁ ସରାକାରୀ ଅଧିକାରୀଙ୍କ ଘରେ ଭିଜିଲାନ୍ସ ଚଢ଼ାଉ କରିଥିବା ବେଳେ, ଗତକାଲି ଭିଲିଲାନ୍ସ ଜାଲରେ ଆଉ ଜଣେ ବାବୁ ପଡ଼ିଥିଲେ । ମାଲକାନଗିରି ଜିଲ୍ଳା ମୁଖ୍ୟ କୃଷି ଅଧିକାରୀଙ୍କ ଘରେ ଭିଜିଲାନ୍ସ ଚଢ଼ାଉ କରିଥିଲା ।