ରାଜ୍ୟ ପୋଲିସ ବିଭାଗରେ ହେବ ଅଦଳବଦଳ…..

ରିପୋର୍ଟ କାର୍ଡ / ଭୁବନେଶ୍ୱର

ରାଜ୍ୟ ପୋଲିସ ବିଭାଗରେ ବଡଧରଣର ଅଦଳବଦଳ ହେବ  | ଆସନ୍ତା ୯ ତାରିଖରେ ରାଜ୍ୟରେ ନିର୍ବାଚନ ପ୍ରକ୍ରିୟା ସମାପ୍ତ ହେବ। ତେବେ ଏପରି ସ୍ଥିତିରେ ରାଜ୍ୟରେ ପୋଲିସ ବିଭାଗରେ ପରିବର୍ତ୍ତନ ହେବାର ସମ୍ଭାବନା ଦେଖାଦେଇଛି । ଅଧିକାଂଶ ଜିଲ୍ଲାରେ ଏସପି ବଦଳିବେ ବୋଲି ଏବେ ଚର୍ଚ୍ଚା ଆରମ୍ଭ ହୋଇଗଲାଣି । ଜଣାପଡ଼ିଛି ଯେ, ଭୁବନେଶ୍ୱରର ଡିସିପି ପଦବୀ ପାଇଁ ରାଜ୍ୟର ଦୁଇଜଣ ଅଫିସରଙ୍କ ନାମକୁ ନେଇ ଆଲୋଚନା ଚାଲିଛି । ସେବାୟତଙ୍କ ହତ୍ୟା, ପୁରୀ ଶ୍ରୀମନ୍ଦିର ରୋଷଘର ଚୁଲି ଭାଙ୍ଗିବା ଘଟଣା ପରି କିଛି ଘଟଣାକୁ ନେଇ ପୋଲିସ ବିଭାଗ ଏବେ ବିବାଦ ଘେରରେ । ତେଣୁ ପୁରୀରେ ମଧ୍ୟ ଏସପି ବଦଳିପାରନ୍ତି । କଳାହାଣ୍ଡି, ବଲାଙ୍ଗିର ପରି ଜିଲ୍ଲାମାନଙ୍କରେ ଅନୁରୂପ ସମ୍ଭାବନା ସୃଷ୍ଟି ହୋଇଛି । କିଛି ଜିଲ୍ଲାରେ ଏସପି ଡିଆଇଜି ପାହ୍ୟାକୁ ପଦୋନ୍ନତି ପାଇବେ, ତେଣୁ ସେମାନଙ୍କର ମଧ୍ୟ ଟ୍ରାନ୍ସଫର ହେବାର ସମ୍ଭାବନା ରହିଛି ।