ଲେଡି ଆକାଉଣ୍ଟାଣ୍ଟଙ୍କ ପ୍ରେମିକ ଗିରଫ,ଚଳୁ କରିଥିଲେ ୯୭ ଲକ୍ଷ…..

ରିପୋର୍ଟ କାର୍ଡ / ଭୁବନେଶ୍ୱର

ଲକ୍ଷ ଲକ୍ଷ ଟଙ୍କା ଖୋଳ କରି ବୟଫ୍ରେଣ୍ଡଙ୍କ ଆକାଉଣ୍ଟ କୁ ଦେଇଥିଲେ ଲେଡି ଆକାଉଣ୍ଟାଣ୍ଟ। ନିଜ ପଦର ଅପବ୍ୟବହାର କରି କଲେଜ ଆକାଉଣ୍ଟରୁ ୯୭ ଲକ୍ଷ ଟଙ୍କା ଲୁଟି ପଠାଇଥିଲେ ବୟଫ୍ରେଣ୍ଡକୁ | ଏହି ଘଟଣାରେ ଆକାଉଣ୍ଟାଣ୍ଟଙ୍କୁ ପୂର୍ବରୁ ପୋଲିସ ବାନ୍ଧିଥିବା ବେଳେ ଏବେ ଧରା ପଡ଼ିଛି ତାଙ୍କ ବୟଫ୍ରେଣ୍ଡ ବିକାଶ କୁମାର । ଆଜି ବିକାଶ କୁମାରଙ୍କୁ ଝାଡଖଣ୍ଡରୁ ଟ୍ରାଞ୍ଜିଟ୍ ରିମାଣ୍ଡରେ ଭୁବନେଶ୍ୱର ଆଣିଛି କମିଶନରେଟ୍ ପୋଲିସ । ଲୁଟ୍‌ ଘଟଣାର ଗୁମର ଖୋଲିବାକୁ ବିକାଶଙ୍କୁ ଜେରା କରୁଛି ତମାଣ୍ଡୋ ପୋଲିସ । ଅଭିଯୋଗ ଅନୁଯାୟୀ, ଲେଡି ଆକାଉଣ୍ଟାଣ୍ଟଜଣଙ୍କର କଲେଜର ପୂର୍ବତନ ଛାତ୍ର ବିକାଶଙ୍କ ସହ ଭାବ ଦିଆନିଆ ଆରମ୍ଭ ହୋଇଥିଲା। ଧିରେ ଧିରେ ଏହା ପ୍ରେମର ରୂପ ନେଲା। ବୟସରେ ସାନ ହେଲେ ବି ଲେଡି ଆକାଉଣ୍ଟାଣ୍ଟଙ୍କ ସହ ତାଙ୍କର ଥିଲା ଘନିଷ୍ଠ ସଂପର୍କ । ପାଠ ପଢ଼ା ସରିବା ପରେ ବିକାଶ ନିଜ ଘର ଝାଡଖଣ୍ଡକୁ ପଳାଇଥିଲେ । ହେଲେ ଫୋନ୍‌ରେ ଦୁହିଁଙ୍କର କଥାବାର୍ତ୍ତା ଜାରିରହିଥିଲା। ଏହା ମଧ୍ୟରେ ବିଭିନ୍ନ ଆଳ କରି ବିକାଶ ପାୟଲଙ୍କଠୁ ହାତେଇ ନେଇଥିଲେ ୯୭ ଲକ୍ଷ ଟଙ୍କା । କଲେଜ ଟଙ୍କାକୁ ହଡ଼ପ କରି ଫୋନ ପେ’ ଓ ଆକାଉଣ୍ଟ ଟ୍ରାନ୍ସଫର ଜରିଆରେ ବୟଫ୍ରେଣ୍ଡକୁ ପଠାଇ ଚାଲିଥିଲେ ଆକାଉଣ୍ଟାଣ୍ଟଜଣକ । ପାୟଲ ଙ୍କ ଗତିବିଧି ଉପରେ ସନ୍ଦେହ କରି କଲେଜ ପକ୍ଷରୁ ଅଡିଟି ହୋଇଥିଲା। ଯେଉଁଥିରେ ସେ ପ୍ରାୟ ୯୭ ଲକ୍ଷ ଟଙ୍କା ହଡ଼ପ କରିଥିବା ଜଣାପଡ଼ିଥିଲା। କଲେଜ ପକ୍ଷରୁ ଅଭିଯୋଗ ପରେ ପୋଲିସ ମାମଲା ରୁଜୁ କରି ତଦନ୍ତ କରିଥିଲା।