ଧର୍ମୀୟ କାର୍ଯ୍ୟରେ ନିୟୋଜିତ ହେବେ…..

ରିପୋର୍ଟ କାର୍ଡ / ଭୁବନେଶ୍ୱର

ମେଷ: ଧନ ଲକ୍ଷ୍ମୀ ବରଦାୟିକା ଅଛନ୍ତି। ପ୍ରଭୂତ ବିତ୍ତର ଅଧିକାରୀ ହେବେ। ବିଳାସ ବ୍ୟସନଠାରୁ ଦୂରେଇ ରହିବେ। ଅଧିକ ଜମିଜମାର ମାଲିକ ହୋଇପାରନ୍ତି। ତ୍ୟାଗଶୀଳ ଓ ମତିମାନ୍‌ ହୋଇପାରନ୍ତି।

ବୃଷ: ଶ୍ରୀଚନ୍ଦ୍ର ଭୋଗ ହେତୁ ଭଲ ଆୟ ହେବ। ସଶକ୍ତ ଆତ୍ମବଳରେ ବଳୀୟାନ ହୋଇପାରନ୍ତି। ଈଶ୍ବରଙ୍କ କୃପା ଲାଭ କରିବେ। ବିନୀତ ସ୍ବଭାବ ସମ୍ପନ୍ନ ହେବେ। ଧର୍ମୀୟ କାର୍ଯ୍ୟରେ ନିୟୋଜିତ ହେବେ।

ମିଥୁନ: ଏକାନ୍ତରେ ମୌନ ରହି ସାଧନାରେ ସିଦ୍ଧିପ୍ରାପ୍ତ ହେବେ। ବିବାଦୀୟ ବିତର୍କରୁ ଓହରିଯାଇ ନିରବ ଦର୍ଶକ ସାଜିପାରନ୍ତି। ଅତିଥି ପରାୟଣତାରେ ବ୍ୟୟ ବୃଦ୍ଧି ହେବ। ସ୍ନେହପୂର୍ଣ୍ଣ କଥାରେ ପରକୁ ଆପଣାର କରିବେ।
କର୍କଟ: ଅଧିକ ଜ୍ଞାନ ଆହରଣ ପାଇଁ ଆଗ୍ରହୀ ହେବେ। ସତ୍‌କର୍ମରେ ନିଜକୁ ନିୟୋଜିତ କରିବେ। କରିତ୍‌କର୍ମା ହେବେ। କୃଚ୍ଛ୍ର ସାଧନାରେ ଦିବ୍ୟଶକ୍ତି ସମ୍ପନ୍ନ ହେବେ। ସରକାରୀ ସ୍ତରରୁ ସମ୍ମାନ ଓ ଅର୍ଥ ମିଳିବ।

ସିଂହ: ପରୋପକାର କରି କୃପାନିଧାନଙ୍କ କୃପା ପାତ୍ର ହେବେ। ଅର୍ଥାଗମ ହେବାର ସମ୍ଭାବନା ରହିଛି। ସଞ୍ଚୟାଭିମୁଖୀ ହେବେ। ଗୁଣବାନ୍‌ ହେବେ। ସୁବିମଳ ଯଶର ଅଧିକାରୀ ହୋଇପାରନ୍ତି।

କନ୍ୟା: ଅଧିକ କ୍ଷମତା ହାସଲ କରି ତା’ର ସଦ୍‌ ବ୍ୟବହାର କରିବେ। ପ୍ରତିଯୋଗିତାରେ କୃତିତ୍ବ ଅର୍ଜନ କରିବେ। ନିର୍ଭୀକ ଥିବାରୁ ଶୀର୍ଷାସନରେ ଉପନୀତ ହେବେ। ରଚନା ମଞ୍ଜୁଳ ଓ ପୁଷ୍ଟିଯୁକ୍ତ ହୋଇପାରେ।

ତୁଳା: ଧୈର୍ଯ୍ୟ ଓ ସାହସ ସଞ୍ଚୟ କରି ଆଶୁ ବିପଦର ମୁକାବିଲା କରିବାରେ ପାରଙ୍ଗମ ହେବେ। ଧର୍ମଧ୍ବଜାଧାରୀ ହୋଇପାରନ୍ତି। ସାମାନ୍ୟ ଅସୁସ୍ଥ ଅନୁଭବ କଲେ ବି ଆତ୍ମବଳରେ କର୍ମକ୍ଷମ ରହିବେ।

ବିଛା: ଆଜି ଦିନ ଭିତରେ ଯାହା ଘଟଣା ଘଟିବ; ତାହା ସୁଖବୋଧ ହେବ। କର୍ମକ୍ଷେତ୍ରରେ ଅପୂର୍ବ ସଫଳତା ମିଳିବ। ଆତ୍ମଶକ୍ତି ଉପରେ ବିଶ୍ବାସ ରଖିଲେ ଅପୂର୍ଣ୍ଣତାରୁ ପୂର୍ଣ୍ଣତା ଦିଗରେ ଅଗ୍ରସର ହେବେ।

ଧନୁ: କୋମଳ ହୃଦୟଯୁକ୍ତ ଓ ଜ୍ଞାନର ଭଣ୍ଡାର ହୋଇପାରନ୍ତି। ପରମ କଲ୍ୟାଣୀୟ ଭାଷା ଓ ମଧୁର ବ୍ୟବହାର ଆପଣଙ୍କୁ ଅଜାତ ଶତ୍ରୁ କରି ଗଢ଼ି ତୋଳିବ। ଚେତନାର ଉଳ ପ୍ରଦୀପ ହୋଇପାରନ୍ତି।

ମକର: ଈଶ୍ବରୀୟ ଚେତନାରେ ଶକ୍ତିସମ୍ପନ୍ନ ହୋଇପାରନ୍ତି। ବିଦ୍ୟାର୍ଜନେ ତତ୍ପର ହେବେ। ଅର୍ଥର ଅନ୍ତଃ ପ୍ରବାହ ଅବ୍ୟାହତ ରହିବ। ସେୟାର ମାର୍କେଟରୁ ଧନ ପ୍ରାପ୍ତିର ସୂଚନା ମିଳୁଛି। ଧର୍ମ ଆଚରଣ କରି ପ୍ରଶଂସିତ ହେବେ।

କୁମ୍ଭ: ପବିତ୍ର ଭାବନା ନେଇ ସେବା କ୍ଷେତ୍ରରେ ଅବତୀର୍ଣ୍ଣ ହେବେ। ବିଭୁଦତ୍ତ ପ୍ରତିଭାସମ୍ପନ୍ନ ହେବେ। ଗଭୀରଭାବ ସମୁଦ୍ରରୁ ଶବ୍ଦରୂପକ ମୁକ୍ତା ସଂଗ୍ରହ କରି ସାହିତ୍ୟ ଜଗତକୁ ଋଦ୍ଧିମନ୍ତ କରିପାରନ୍ତି।

ମୀନ: ଆତ୍ମବଳରେ ବଳୀୟାନ ହୋଇପାରନ୍ତି। ସମୟ ଆପଣଙ୍କ ସତ୍‌କର୍ମର ସାକ୍ଷୀ ହୋଇପାରେ। ଆଶାବାଦୀ ଭାବେ ସର୍ବଦା ହର୍ଷୋତ୍‌ଫୁଲ୍ଲ ରହିବେ। ସକଳ କାର୍ଯ୍ୟରେ ପାରଙ୍ଗମ ହେବେ। ଅକ୍ଷୟ କୀର୍ତ୍ତି ସ୍ଥାପନ କରିବେ।