ଭାଲୁ ଠାରୁ ବଞ୍ଚାଇଲେ ଜୀବନ…..

ରିପୋର୍ଟ କାର୍ଡ / ଆନନ୍ଦପୁର

ଭାଲୁ ସହ ଲଢେ଼ଇ କରି ନିଜ ଜୀବନ ବଞ୍ଚାଇଲେ ଯୁବକ । ଜାଳେଣି କାଠ ସଂଗ୍ରହ କରିବାକୁ ଯାଇଥିବା ବେଳେ ଯୁବକଙ୍କୁ ଆକ୍ରମଣ କରିଥଲା ଭାଲୁ । ଏଭଳି ଘଟଣା ଘଟିଛି ଆନନ୍ଦପୁର ଉପଖଣ୍ଡ ସୋସୋ ଥାନା ରଙ୍ଗମାଟିଆ ଗାଁରେ । ମିଳିଥିବା ସୂଚନା ଅନୁସାରେ- ବ୍ରଜମୋହନ ନାଇକ ନିକଟସ୍ଥ ଜଙ୍ଗଲକୁ ଜାଳେଣି କାଠ ସଂଗ୍ରହ କରିବାକୁ ଯାଇଥିବା ବେଳେ ଭାଲୁ ହାବୁଡ଼ରେ ପଡି ଯାଇଥିଲେ । ଭାଲୁ ତାଙ୍କୁ ଆକ୍ରମଣ କରିବା ପରେ ଯୁବକ ଜଣକ ମଧ୍ୟ ଭାଲୁ ସହ ଲଢେ଼ଇ କରିଥିଲେ । ଶେଷରେ ରକ୍ତାକ୍ତ ଅବସ୍ଥାରେ ଯୁବକ ଜଣକୁ ଛାଡି ଭାଲୁ ଜଙ୍ଗଲକୁ ପଳାଇଥିଲା। ସ୍ଥାନୀୟ ଲୋକେ ସେଠାରୁ ତାଙ୍କୁ ଉଦ୍ଧାର କରି ଆନନ୍ଦପୁର ମେଡ଼ିକାଲ ରେ ଭର୍ତ୍ତି କରିବା ପରେ ଚିକିତ୍ସା ଜାରି ରହିଛି।