କର୍ମକ୍ଷେତ୍ରରୁ ଧନାଗମର ସୂଚନା ମିଳୁଛି…..

ରିପୋର୍ଟ କାର୍ଡ / ଭୁବନେଶ୍ୱର

ମେଷ : ଶ୍ରେଷ୍ଠାସନରେ ଆସୀନ ହୋଇ ପାରନ୍ତି। ନୀତିନିଷ୍ଠ ହେବେ। ବିନୀତ ସ୍ବଭାବସମ୍ପନ୍ନ ହୋଇପାରନ୍ତି। ଗ୍ରାମ ଓ ଦଳ ମଧ୍ୟରେ ଭେଦ ନୀତିର କାରଣ ହୋଇପାରନ୍ତି। ଚତୁର ଓ ଧନଯୁକ୍ତ ହେବେ। ଖର୍ଚ୍ଚାନ୍ତ ଯୋଗ ଅଛି।

ବୃଷ : ବ୍ୟବସ୍ଥିତ ଢଙ୍ଗରେ କାର୍ଯ୍ୟକରି ଲୋକଙ୍କର ଆସ୍ଥାଭାଜନ ହୋଇପାରନ୍ତି। ଜ୍ଞାନଗରିମାଯୁକ୍ତ ହେବେ। ସତ୍‌କର୍ମରେ ନିଜକୁ ନିୟୋଜିତ କରିପାରନ୍ତି। ବିଭିନ୍ନ ଦିଗରୁ ଅର୍ଥପ୍ରାପ୍ତିର ସୂଚନା ମିଳୁଛି।

ମିଥୁନ : କର୍ମକ୍ଷେତ୍ରରୁ ଅପୂର୍ବ ସଫଳତା ମିଳିବ। ଆର୍ଥିକ ସ୍ଥିତିରେ ସ୍ବଚ୍ଛଳତା ଦେଖାଦେବ। ଧାର୍ମିକ ପ୍ରବର ହେବେ। ଶିଳ୍ପ ପାରଦର୍ଶୀ ହୋଇପାରନ୍ତି। କର୍ମଚଞ୍ଚଳ ରହିବେ। ପତ୍ନୀ ପରାୟଣ ହେବେ।

କର୍କଟ : ରାଜତୁଲ୍ୟ କ୍ଷମତାସମ୍ପନ୍ନ ହେବେ। ଧନରତ୍ନ ଭଣ୍ଡାରର ମାଲିକାନା ରହିବ। ନ୍ୟସ୍ତ ଦାୟିତ୍ବ ଉତ୍ସାହଜନକ ହେବ। ପରୋପକାରୀ ହେବେ। ବିଭିନ୍ନ ପ୍ରକାରର ଧନ ଲାଭ କରିପାରନ୍ତି। କୃତୀ ପ୍ରତିଯୋଗୀ ହେବେ।
ସିଂହ : ବିରାଟ ଆଶା ନେଇ ଆଗକୁ ବଢ଼ୁଥିବାବେଳେ ପ୍ରଚଣ୍ଡ ନିରାଶାରେ ଫେରିବାକୁ ପଡ଼ିପାରେ। ଯାନବାହନ ଚଳାଚଳରେ ସତର୍କ ରହିବାକୁ ପଡ଼ିବ। ଧନ ଭୋଗ କରିବେ। ସତର୍କରେ ଚଳିବାକୁ ପଡ଼ିବ।

କନ୍ୟା : ପ୍ରତ୍ୟୁତ୍ପନ୍ନମତି ସମ୍ପନ୍ନ ହୋଇପାରନ୍ତି। ବିଦୂଷୀ ପତ୍ନୀଙ୍କ ଉପଦେଶ ମାନି ଚଳିବାକୁ ପଡ଼ିବ। ଦିନଟି ସୁଖ-ସୌହାର୍ଦ୍ଦ୍ୟପୂର୍ଣ୍ଣ ହେବ। ପରର ପୀଡ଼ାକୁ ଅନୁଭବ କରି ପାରୁଥିବାରୁ ବୈଷ୍ଣବ ପଦବାଚ୍ୟ ହୋଇପାରନ୍ତି।

ତୁଳା : ଶତ୍ରୁ ଦମନକରି ମାନସିକ ଶାନ୍ତି ଫେରିପାଇବେ। ପିଲାମାନଙ୍କୁ ପ୍ରତିଦ୍ବନ୍ଦ୍ବୀ ନ କରାଇ ପ୍ରଗତିଶୀଳ କରିବେ। ଯତ୍ନ, ଅଧ୍ୟବସାୟ ଓ କଠିନ ପରିଶ୍ରମରୁ ଆୟରେ କରଜ ଶୁଝିବେ।

ବିଛା : ଅଭିଜ୍ଞ ବ୍ୟକ୍ତିଭାବେ ସଂସ୍ଥାର ସୁପରିଚାଳନା କରି ପ୍ରତିଷ୍ଠା ଲାଭ କରିବେ। ଅଧିକ ଜ୍ଞାନ ଆହରଣ ପାଇଁ ଉଦ୍ୟମ ଜାରି ରଖିବେ। ଉପଯୁକ୍ତ ତାଲିମ ପାଇ ତା’ର ସଦ୍‌ ବ୍ୟବହାର କରିବେ।

ଧନୁ : ପ୍ରତ୍ୟେକ କ୍ଷେତ୍ରରେ ସକାରାତ୍ମକ ବିଚାରାଧାରା ପୋଷଣ କରିପାରନ୍ତି। ଶ୍ରମ ଶକ୍ତିର ବିନିଯୋଗ କରିପାରନ୍ତି। କୃଷି ଉତ୍ପାଦନ ପାଇଁ ପରାମର୍ଶ ଦେବେ। ସଂକଳ୍ପବାନ୍‌ ବ୍ୟକ୍ତିତ୍ବ ସମ୍ପନ୍ନ ହେବା ଆଶା କରାଯାଏ।
ମକର : ଅନାୟାସରେ କାର୍ଯ୍ୟ ହାସଲ କରିପାରନ୍ତି। ଆର୍ଥିକ ସ୍ଥିତିରେ ସ୍ବଚ୍ଛଳତା ଦେଖା ଦେବ । ଦେବ ଦର୍ଶନ କରି ଆତ୍ମସନ୍ତୋଷ ଲାଭ କରିବେ। ଅଶାନ୍ତି ଦୂର ହେବ। ସରକାରୀ ସ୍ତରରୁ ଲାଭ ଉଠାଇ ପାରନ୍ତି।

କୁମ୍ଭ : ଜୀବନ ସମର୍ପିତ ହୋଇପାରେ। ସମାଜ ସଂସ୍କାର ଓ ସମାଜର ଜାଗରଣ ପାଇଁ ଆପଣଙ୍କ ରଚନା ଫଳପ୍ରସୂ ହୋଇପାରେ। କର୍ମକ୍ଷେତ୍ରରୁ ଧନାଗମର ସୂଚନା ମିଳୁଛି। ସତ୍‌ଚରିତ୍ର ଯୋଗୁଁ ରାଷ୍ଟ୍ରର ଅମୂଲ୍ୟ ସମ୍ପଦ ହେବେ।

ମୀନ : ସ୍ବାସ୍ଥ୍ୟ ଚାହୁଁଥିଲେ ଆହାର ସୁଧାର ହେବ। ଆୟ ଅଶାନୁରୂପ ହେବ। ସରକାରୀ ବା ବନ୍ଧୁ ସୂତ୍ରରୁ ଲାଭବାନ୍‌ ହେବେ। ସୁସ୍ଥ ରହିବେ। ପତ୍ନୀଙ୍କ ମନସ୍କାମନା ପୂରଣ କରିପାରନ୍ତି। ନୂଆ ବନ୍ଧୁଙ୍କ ସାନ୍ନିଧ୍ୟ ମିଳିବ।