ସତର୍କରେ ଚଳିବେ…..

ରିପୋର୍ଟ କାର୍ଡ / ଭୁବନେଶ୍ୱର

ମେଷ: ପରସ୍ପର ସ୍ନେହାନୁବନ୍ଧିତ ହେଲେ ଘର ବୈକୁଣ୍ଠ ସମାନ ହେବ। ଆପଣଙ୍କ ମହନୀୟ କର୍ମ ସମୂହ ଶୀର୍ଷାସନ ଦେଇପାରେ। ଜ୍ଞାନର ପ୍ରଦୀପରେ ଚଲାପଥକୁ ଆଲୋକିତ କରିପାରନ୍ତି। ଦୟାଳୁ ହେବେ।
ବୃଷ: ବ୍ୟବହାରରେ ନମ୍ରତା ଓ ଶାଳୀନତା ଆପଣଙ୍କୁ ମହାନ୍‌ କରିପାରେ। ସ୍ବକର୍ମ ଭାଗ୍ୟକୁ ନିୟନ୍ତ୍ରଣ କରିପାରେ। ପତିପ୍ରାଣା ପ୍ରିୟାଙ୍କ ମନସ୍କାମନା ପୂରଣ କରିପାରନ୍ତି। ଉଦ୍ୟୋଗୀ ହେବେ। ସତ୍ୟପ୍ରତିଜ୍ଞସମ୍ପନ୍ନ ହେବେ।
ମିଥୁନ: ପ୍ରଥମେ ଉପୁଜିଥିବା ବ୍ୟତିକ୍ରମକୁ ଅତିକ୍ରମ କରି ଆଗକୁ ବଢ଼ିପାରନ୍ତି। ମାନସିକ ସଂଘାତ ଅନୁଭବ କରିପାରନ୍ତି। ସମସ୍ୟାର ସମ୍ମୁଖୀନ ହେବା ହଁି ତା’ର ସମାଧାନ ବୋଲି ବିବେଚିତ ହେବ। ସତର୍କରେ ଚଳିବେ।
କର୍କଟ: ସେବା ଭାବନାରେ ଉନ୍ମୁଖ ହୋଇପାରନ୍ତି। ଅସୂର୍ଯ୍ୟସ୍ପର୍ଶା ପତ୍ନୀଙ୍କ ଉପାସନାର ପ୍ରତୀକ ହେବେ। ସମାଜସେବା କ୍ଷେତ୍ରରେ ପ୍ରତିଷ୍ଠା ଅର୍ଜନ କରିପାରନ୍ତି। ମନରେ ଉପୁଜିଥିବା ଅହଂଭାବକୁ ବିସର୍ଜନ ଦେଇପାରନ୍ତି।
ସିଂହ: ଭ୍ରାତୃତ୍ବର ବନ୍ଧନ ନିବିଡ଼ ହୋଇପାରେ। ଲାଭଜନକ ପଦପଦବୀଯୁକ୍ତ ହୋଇ ଜନସେବାରେ ପ୍ରଶଂସାର ପାତ୍ର ହେବେ। ସୁସ୍ଥ ଓ ନିରାମୟ ରହିବେ। କଠୋର ପଦକ୍ଷେପ ନେଇ ଶତ୍ରୁଦମନ କରିବେ।
କନ୍ୟା: ଚିନ୍ତା କରିନଥିବା କ୍ଷେତ୍ରରୁ କିମ୍ବା ବିନା ଉଦ୍ୟମରେ ହଠାତ୍‌ କିଛି ଧନ ମିଳିପାରେ। ଆର୍ଥିକ ସ୍ରୋତ ବ୍ୟବସାୟାଦି ବିଭିନ୍ନ ଦିଗରୁ ପ୍ରବାହିତ ହେବ। ଲକ୍ଷ୍ମୀ ବରଦାୟିକା ଅଛନ୍ତି। ଭଣ୍ଡାର ପରିପୂର୍ଣ୍ଣ ହେବ।
ତୁଳା: ପ୍ରେମ ଓ ଉଦାର ମାନବିକତା ରୂପକ ଧର୍ମଧାରଣ କରିପାରନ୍ତି। ନୈତିକତାର ମହାମନ୍ତ୍ରରେ ଦୀକ୍ଷିତ ହେବେ। ଦାନଶୀଳ ବ୍ୟକ୍ତିଭାବେ ଖ୍ୟାତି ଅର୍ଜନ କରିପାରନ୍ତି। କୃଷକ ବନ୍ଧୁର ଭୂମିକା ନିର୍ବାହ କରିପାରନ୍ତି।
ବିଛା: ଶାସ୍ତ୍ରମାନଙ୍କରୁ ଆହରିତ ଜ୍ଞାନରେ ଜ୍ଞାନୀ ହୋଇ ଅନ୍ୟମାନଙ୍କୁ ଦିଗ୍‌ଦର୍ଶନ ଦେଇପାରନ୍ତି। ଈଶ୍ବରୀୟ ଭକ୍ତିରେ ମହାନ୍‌ ଶକ୍ତିର ଆଧାର ହେବେ। ପ୍ରେମୀ ଓ ସାହସୀ ହେବେ। ପରୋପକାରୀ ହେବେ।
ଧନୁ: ସ୍ବକର୍ମ ବଳରେ ବଳୀୟାନ ହେବେ। ସୌଭାଗ୍ୟଶାଳୀ ହୋଇପାରନ୍ତି। ଦୃଢ଼ ଇଚ୍ଛାଶକ୍ତି ବଳରେ ଉତ୍କର୍ଷର ଆଧାର ହୋଇପାରନ୍ତି। ଅନ୍ତଃକରଣ ବୃଦ୍ଧି ଯୋଗଁୁ ଆପଣଙ୍କ ଜ୍ଞାନ ଚକ୍ଷୁ ଉନ୍ମୀଳିତ ହେବ। ସୁଖୀ ହେବେ।
ମକର: ଶ୍ରୀଚନ୍ଦ୍ର ଭୋଗ ହେଉଥିବାରୁ ପଡ଼ୋଶୀଙ୍କ ସହ ଆତ୍ମୀୟସ୍ବଜନ ମିଷ୍ଟାନ୍ନ ଭୋଜନରେ ଆପ୍ୟାୟିତ ହୋଇପାରନ୍ତି। ଐଶ୍ବର୍ଯ୍ୟ ପ୍ରାପ୍ତିର ସୂଚନା ମିଳୁଛି। ମୋକଦ୍ଦମାର ବିଚାର ପଦ୍ଧତି ଆପଣଙ୍କ ସପକ୍ଷରେ ଯାଇପାରେ।
କୁମ୍ଭ: କର୍ମକୁ ଆପଣଙ୍କ ଜୀବନର ମାର୍ଗଭାବେ ବାଛି ନେଇପାରନ୍ତି। ନିଜ ଜୀବନକୁ ଉତ୍ସର୍ଗ କରି ସେବା ଓ ପରୋପକାର କରିପାରନ୍ତି। ଧର୍ମ କାର୍ଯ୍ୟରେ ଧନ ବ୍ୟୟ କରିବେ। ସାଧନା ଫଳବତୀ ହୋଇପାରେ।
ମୀନ: ଆଜିର ଦିନଟି ଆପଣଙ୍କ ପାଇଁ ଅତ୍ୟନ୍ତ ଶୁଭ ଦିନ। ଯେଉଁ କାର୍ଯ୍ୟରେ ହାତ ଦେବେ ତାହା ନିଶ୍ଚିତ ପୂରଣ ହେବ। ପ୍ରତ୍ୟେକ କ୍ଷେତ୍ରରେ ସଫଳ ହେବେ। ସରକାରୀ ସ୍ତରରୁ ଅର୍ଥାଗମର ସୂଚନା ମିଳୁଛି।