କେଜ୍ରିୱାଲଙ୍କ ପତ୍ନୀଙ୍କୁ କୋର୍ଟଙ୍କ ସମନ୍‌….

ରିପୋର୍ଟ କାର୍ଡ / ନୂଆଦିଲ୍ଲୀ

ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପତ୍ନୀ ସୁନୀତାଙ୍କୁ କୋର୍ଟ ସମନ କରିଛନ୍ତି । ଦିଲ୍ଲୀର ଗୋଟିଏ କୋର୍ଟ ତାଙ୍କୁ ହାଜର ହେବାକୁ ସମନ କରିଥିବା ଜଣାପଡିଛି | ସୁନୀତା ଜନ ପ୍ରତିନିଧି ଆଇନ ୧୯୫୧ର ଉଲ୍ଲଙ୍ଘନ କରି ଦୁଇଟି ନିର୍ବାଚନ ମଣ୍ଡଳୀରେ ନିଜକୁ ଭୋଟର ଭାବେ ଦର୍ଶାଇଥିବା ଅଭିଯୋଗ ହୋଇଛି। ଏ ସଂକ୍ରାନ୍ତ ଆବେଦନର ଶୁଣାଣି କରି କୋର୍ଟ ଆଜି ସୁନୀତାଙ୍କୁ ସମନ କରିଛନ୍ତି। ତାଙ୍କୁ ନଭେମ୍ବର ୧୮ରେ କୋର୍ଟରେ ହାଜର ହେବାକୁ କୁହାଯାଇଛି। ମେଟ୍ରୋପଲିଟାଣ୍ଟ ମାଜିଷ୍ଟ୍ରେଟ ଅରଜିନ୍ଦର କୌର କହିଛନ୍ତି, ଅଭିଯୋଗକାରୀଙ୍କ ବୟାନ ଓ ସାକ୍ଷୀମାନଙ୍କ କଥା ଶୁଣିବା ପରେ ପ୍ରାଥମିକ ଭାବେ ଅଭିଯୁକ୍ତ ସୁନୀତା କେଜ୍ରିୱାଲ ନିୟମ ଉଲ୍ଲଙ୍ଘନ କରିଥିବା ଜଣାପଡ଼ୁଛି।