ପଞ୍ଜାବ ଏବଂ ଉତ୍ତରାଖଣ୍ଡ ପରେ କେଜ୍ରିୱାଲଙ୍କ ଟାର୍ଗେଟରେ ଗୋଆ….

ରିପୋର୍ଟ କାର୍ଡ / ନୂଆଦିଲ୍ଲୀ

ପଞ୍ଜାବ ଏବଂ ଉତ୍ତରାଖଣ୍ଡରେ ଆମ୍ ଆଦମୀ ପାର୍ଟି ସରକାର ଗଢିବାକୁ ସ୍ଥିର କରିଥିବା ବେଳେ ଏବେ ଟାର୍ଗେଟରେ ଗୋଆ | ଯଦି ଗୋଆରେ ଆମ୍ ଆଦମୀ ପାର୍ଟି ସରକାର ଗଢେ, ତେବେ ୩୦୦ ୟୁନିଟ୍ ମାଗଣା ବିଦ୍ୟୁତ୍ ଯୋଗାଇଦେବେ | ଗୋଆରେ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଆଜି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଘୋଷଣା କରିଛନ୍ତି । ଏହା ସହିତ ସେ ସମସ୍ତ ପୁରୁଣା ବିଦ୍ୟୁତ ବିଲ ଛାଡ଼ କରିବାକୁ ମଧ୍ୟ ପ୍ରତିଶୃତି ଦେଇଛନ୍ତି । ଗୋଆରେ ଆମ୍ ଆଦମୀ ପାର୍ଟିର ରାଷ୍ଟ୍ରୀୟ କନଭେନର ଅରବିନ୍ଦ କେଜ୍ରିୱାଲ ଏବଂ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି । ପ୍ରତ୍ୟେକ ପରିବାରକୁ ପ୍ରତି ମାସରେ ୩୦୦ ୟୁନିଟ୍ ପର୍ଯ୍ୟନ୍ତ ମାଗଣା ବିଦ୍ୟୁତ ଦିଆଯିବ । ସମସ୍ତ ପୁରୁଣା ବିଦ୍ୟୁତ ବିଲ୍ ମଧ୍ୟ ଛାଡ଼ କରାଯିବ । ଆମେ କୃଷକମାନଙ୍କୁ ୨୪ ଘଣ୍ଟା ବିଦ୍ୟୁତ ମଧ୍ୟ ଯୋଗାଇଦେବୁ । କୃଷକଙ୍କ ପାଇଁ ଚାଶ ଜମିରେ ବିଦ୍ୟୁତ୍ ଯୋଗାଇ ଦିଆଯିବ । କେଜ୍ରିୱାଲ ଆହୁରି କହିଛନ୍ତି, “ଗୋଆରେ ରାଜନୀତି ଅତ୍ୟନ୍ତ ଖରାପ ହୋଇଯାଇଛି । ଲୋକମାନେ ସରକାର ଗଠନ ପାଇଁ କଂଗ୍ରେସକୁ ଭୋଟ୍ ଦେଇଥିଲେ । ହେଲେ ସରକାର ଗଢିଲା ବିଜେପି । ଗୋଆର ଲୋକମାନେ ବର୍ତ୍ତମାନ ସ୍ୱଚ୍ଛ ରାଜନୀତି ଚାହୁଁଛନ୍ତି। ସୂଚନା ଥାଉକି, ଗୋଆ ପୂର୍ବରୁ କେଜ୍ରିୱାଲ ଜୁଲାଇ ୧୧ରେ ଉତ୍ତରାଖଣ୍ଡ ଗସ୍ତ କରିଥିଲେ । ସେଠାରେ ମଧ୍ୟ ସେ ସମାନ ଘୋଷଣା କରିଥିଲେ । ବାସ୍ତବରେ କିଛି ମାସ ପରେ ଉତ୍ତରପ୍ରଦେଶରେ ବିଧାନସଭା ନିର୍ବାଚନ ଅନୁଷ୍ଠିତ ହେବ । ଏହି କାରଣରୁ କେଜ୍ରିୱାଲ ଅନେକ ରାଜ୍ୟକୁ ଯାଇ ଆମ୍ ଆଦମୀ ପାର୍ଟିର ପ୍ରଚାର ପ୍ରସାର କରୁଛନ୍ତି ।