ଆଜି ପୁରୀରେ ସୂର୍ଯ୍ୟକିରଣ ଏୟାର ସୋ’…..

ରିପୋର୍ଟ କାର୍ଡ / ପୁରୀ

ପ୍ରତିକୂଳ ପାଣିପାଗ ପାଇଁ ଭାରତୀୟ ବାୟୁସେନା ପକ୍ଷରୁ ପୁରୀ ବେଳାଭୂମିରେ ଆରମ୍ଭ ହେଉଥିବା ଏୟାର ସୋ’ ତାରିଖ ପରିବର୍ତ୍ତନ କରାଯାଇଛି। ସେପ୍ଟେମ୍ବର ୧୮ ତାରିଖରେ ହେବାକୁ ଥିବା ଏହି ସୋ’ ସେପ୍ଟେମ୍ବର ୧୭ ଓ ୧୮ ତାରିଖ, ଦୁଇଦିନ ଧରି ଅନୁଷ୍ଠିତ ହେବ। ଆଜି ଦିନ ୧୦ଟା ୨୦ରୁ ସୋ’ ଆରମ୍ଭ ହେବ | ଏନେଇ ଏକ ସାମ୍ବାଦିକ ସମ୍ମିଳନୀରେ ପୁରୀ ଅତିରିକ୍ତ ଜିଲ୍ଲାପାଳ ପ୍ରଦୀପ କୁମାର ସାହୁ କହିଛନ୍ତି। ପାଣିପାଗ ବିଭାଗ ଆସନ୍ତା ୧୮ ତାରିଖରେ ଲଘୁଚାପ ପ୍ରଭାବରେ ବର୍ଷା ହେବାର ପୂର୍ବାନୁମାନ କରିଛି। ଏହା ଏୟାର ସୋ’ରେ ପ୍ରତିବନ୍ଧକ ସୃଷ୍ଟି କରି‌ପାରେ। ସେହି ଦୃଷ୍ଟିରୁ ସେପ୍ଟେମ୍ବର ୧୭ ତାରିଖରୁ ହିଁ ଦର୍ଶକଙ୍କ ପାଇଁ ଏହି ଏୟାର ସୋ’ ବ୍ୟବସ୍ଥା କରାଯାଇଛି। ଉଲ୍ଲେଖ ଯୋଗ୍ୟ ଗତକାଲି ରାଜଧାନୀ ଭୁବନେଶ୍ୱର ଆକାଶରେ ଦମଦାର ସୂର୍ଯ୍ୟ କିରଣ ଶୋ ପ୍ରଦର୍ଶନ କରିଥିଲେ | ସୂର୍ଯ୍ୟ କିରଣ ଶୋ ବେଶ ଚିତ୍ତାକର୍ଷକ ହୋଇଥିଲା |