ଆଜି ଥାନାରେ ହାଜର ହେବେ ଅଲ୍ଲୁ ଅର୍ଜୁନ୍…..

ରିପୋର୍ଟ କାର୍ଡ / ନୂଆଦିଲ୍ଲୀ

ସୁପରଷ୍ଟାର ଅଲ୍ଲୁ ଅର୍ଜୁନଙ୍କୁ ପୋଲିସର ସମନ ଜାରି । ପୁଷ୍ପା-୨ ପ୍ରିମିୟର ବେଳେ ଦଳାଚକଟାରେ ଜଣଙ୍କର ମୃତ୍ୟୁ ମାମଲାରେ ହାଇଦ୍ରାବାଦ ପୋଲିସ ତାଙ୍କୁ ସମନ ଜାରି କରିଛି। ଆଜି ଦିନ ୧୧ଟା ସୁଦ୍ଧା ହାଜର ହେବାକୁ ନିର୍ଦେଶ ରହିଛି। ହାଇଦ୍ରାବାଦ ପୁଲିସ୍ ର ସମନ ପରେ ଅଲ୍ଲୁ ଅର୍ଜୁନ୍ ଙ୍କ ଅଡୁଆ ବଢିଛି। ଗତ ୪ ତାରିଖରେ ହାଇଦ୍ରାବାଦ ସନ୍ଧ୍ୟା ଥିଏଟରରେ ପୁଷ୍ପା-୨ ପ୍ରିମିୟର ବେଳେ ଦଳାଚକଟା ହୋଇଥିଲା। ଏଥିରେ ଜଣେ ମହିଳାଙ୍କର ମୃତ୍ୟୁ ହୋଇଥିଲା। ଗୁରୁତର ଅବସ୍ଥାରେ ତାଙ୍କର ୧୦ ବର୍ଷର ପୁଅକୁ ମେଡିକାଲରେ ଭର୍ତ୍ତି କରାଯାଇଥିଲା। ବର୍ତ୍ତମାନ ସେ ଜୀବନ ମରଣ ସହ ସଂଘର୍ଷ କରୁଛନ୍ତି। ତେବେ ଏହି ଘଟଣା​‌ରେ ଅଲ୍ଲୁ ଅର୍ଜୁନ ଗିରଫ ହୋଇ ବେଲରେ ଆସିଛନ୍ତି । ସେ ଜାମିନରେ ଆସିବା ପରେ ମଧ୍ୟ ବିବାଦ କମିବାର ନାଁ ଧରୁନି। ଅନ୍ୟପଟେ ଗତ ୨୨ ତାରିଖରେ ମୃତ ମହିଳାଙ୍କ ପରିବାରକୁ ୧ କୋଟି ଟଙ୍କା କ୍ଷତିପୂରଣ ଦାବିରେ ଅଲ୍ଲୁ ଙ୍କ ଘରେ ଭଙ୍ଗାରୁଜ୍ଜା କରିଥିବା ୬ ଅଭିଯୁକ୍ତଙ୍କୁ ଜାମିନ୍ ମିଳିଛି।