ରିପୋର୍ଟ କାର୍ଡ / ହାଇଦ୍ରାବାଦ
ଦେଶରେ କୋଭିଡ ଟିକାର ଅଭାବ ଲାଗି ରହିଥିବାବେଳେ ଘରୋଇ ହସପିଟାଲଗୁଡିକୁ ସରକାର ଟିକା ଯୋଗାଣକୁ ଅନୁମତି ଦେଇଛନ୍ତି। ତେବେ ଘରୋଇ ହସପିଟାଲଗୁଡିକ ସେଥିପାଇଁ ଲୋକଙ୍କ ଠାରୁ ଅଧିକ ଅର୍ଥ ଦାବି କରୁଥିବା ବହୁ ଅଭିଯୋଗ ଆସୁଛି। ଏହାକୁ ଦୃଷ୍ଟିରେ ରଖି ସଂପ୍ରତି ଘରୋଇ ଡାକ୍ତରଖାନାଗୁଡିକୁ ଟିକା ଯୋଗାଣ ବନ୍ଦ ରଖିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟକୁ ପତ୍ର ଲେଖିଛନ୍ତି ଆନ୍ଧ୍ର ମୁଖ୍ୟମନ୍ତ୍ରୀ ୱାଇଏସ ଜଗନ ମୋହନ ରେଡ୍ଡି। ଶନିବାର ସେ ଲେଖିଥିବା ପତ୍ରରେ ଅଭିଯୋଗ କରିଛନ୍ତି ଯେ ଘରୋଇ ଡାକ୍ତରଖାନାଗୁଡିକ ଟିକା ଭାଏଲ ପିଛା ୨୦୦୦ ଟଙ୍କାରୁ ୨୫ ହଜାର ଟଙ୍କା ପର୍ଯ୍ୟନ୍ତ ଦାବି କରୁଛନ୍ତି। ଫଳରେ ଘରୋଇ ଡାକ୍ତରଖାନାଗୁଡିକରେ କୋଭିଡ ଟିକା ବାବଦ ମୂଲ୍ୟ ଦେବା ସାଧାରଣ ଲୋକଙ୍କ ପକ୍ଷେ ସମ୍ଭବ ହେଉନାହିଁ। ଟିକା ଅଧିକାର କେବଳ କେନ୍ଦ୍ର ଓ ରାଜ୍ୟ ସରକାରମାନଙ୍କ ନିକଟରେ ରହିବା ଉଚିତ ବୋଲି ସେ ଦର୍ଶାଇଛନ୍ତି। ଦେଶରେ ଟିକା ଉତ୍ପାଦନ ବୃଦ୍ଧି ସହିତ ଏହା ପ୍ରଚୁର ପରିମାଣରେ ମିଳିଲେ ତାହା ଉଭୟ ସରକାରୀ ଓ ଘରୋଇ ଡାକ୍ତରଖାନାରେ ଉପଲବ୍ଧ ହେବାରେ କିଛି ସମସ୍ୟା ହେବନାହିଁ। ଲୋକଙ୍କୁ ଯେଉଁଠାରେ ସୁବିଧା ହେବ ସେମାନେ ସେଠାରେ ଟିକା ନେଇପାରିବେ ବୋଲି ଶ୍ରୀ ରେଡ୍ଡି କହିଛନ୍ତି।
More Stories
ବର୍ଷା ବିତ୍ପାତ:ଶିକ୍ଷାନୁଷ୍ଠାନ ବନ୍ଦ, ଉଦ୍ଧାର କାର୍ଯ୍ୟରେ ସେନା ନିୟୋଜିତ……
ରାହୁଲଙ୍କ ସରକାରୀ ବାସଭବନ ପରିବର୍ତ୍ତନ…..
୨୫ତମ କାର୍ଗିଲ ବିଜୟ ଦିବସ: ସହିଦ ଯବାନଙ୍କୁ ଶ୍ରଦ୍ଧାଞ୍ଜଳି ଦେଲେ ପ୍ରଧାନମନ୍ତ୍ରୀ…..