୧,୧୯୨ କୋଟି ଟଙ୍କାର ଶକ୍ତି ପ୍ରକଳ୍ପକୁ ଅନୁମୋଦନ…..

ରିପୋର୍ଟ କାର୍ଡ / ଭୁବନେଶ୍ୱର

ଓଡ଼ିଶା ସରକାର ୧,୧୯୧.୪୭ କୋଟି ଟଙ୍କାର ସାତଟି ନବୀକରଣଯୋଗ୍ୟ ଶକ୍ତି ପ୍ରକଳ୍ପକୁ ଅନୁମୋଦନ କରିଛନ୍ତି। ଶକ୍ତି ବିଭାଗର ପ୍ରମୁଖ ସଚିବ ବିଶାଳ ଦେବଙ୍କ ଅଧ୍ୟକ୍ଷତାରେ ଅନୁଷ୍ଠିତ ୧୦ମ ଏକକ ବିଣ୍ଡୋ କମିଟି (ଏସଡବ୍ଲୁସି) ବୈଠକରେ ରାଜ୍ୟ ସରକାର ମୋଟ ୧,୧୯୧.୪୭ କୋଟି ଟଙ୍କାର ସାତଟି ନବୀକରଣଯୋଗ୍ୟ ଶକ୍ତି ପ୍ରକଳ୍ପକୁ ଅନୁମୋଦନ କରିଛନ୍ତି। ଓଡ଼ିଶା ନବୀକରଣଯୋଗ୍ୟ ଶକ୍ତି ନୀତି-୨୦୨୨ ଅଧୀନରେ ଅନୁଷ୍ଠିତ ଏହି ବୈଠକରେ ୧୪୯.୯୭ ମେଗାୱାଟର ମିଳିତ କ୍ଷମତା ବିଶିଷ୍ଟ ପ୍ରକଳ୍ପଗୁଡ଼ିକ ପାଇଁ ପ୍ରାଥମିକ ଅନୁମୋଦନ ପ୍ରଦାନ କରାଯାଇଛି।ଅନୁମୋଦିତ ପୋର୍ଟଫୋଲିଓରେ ନିମ୍ନଲିଖିତ ପ୍ରକଳ୍ପ ଅନ୍ତର୍ଭୁକ୍ତ:
ଦୁଇଟି ପବନ ଶକ୍ତି ପ୍ରକଳ୍ପ: ମୋଟ ୯୫.୭ ମେଗାୱାଟ
ଚାରୋଟି ଭୂମିଭିତ୍ତିକ ସୌର ପ୍ରକଳ୍ପ: ମୋଟ ୫୩.୯୭ ମେଗାୱାଟ
ଏକ ବ୍ୟାଟେରୀ ସଞ୍ଚୟ ପ୍ରକଳ୍ପ: ୦.୬ ମେଗାୱାଟ ଘଣ୍ଟା କ୍ଷମତା

ବିଶାଳ ଦେବ ନବୀକରଣଯୋଗ୍ୟ ଶକ୍ତିର ଚିରସ୍ଥାୟୀ ଅର୍ଥନୈତିକ ବିକାଶକୁ ପ୍ରୋତ୍ସାହନ ଦେବାରେ ମୁଖ୍ୟ ଭୂମିକା ଉପରେ ଆଲୋକପାତ କରିଛନ୍ତି। ସେ ସରକାରଙ୍କ ବିନିଯୋଗ ଆକର୍ଷଣ ଏବଂ ପ୍ରକଳ୍ପଗୁଡ଼ିକର ସମୟୋପଯୋଗୀ କାର୍ଯ୍ୟକାରୀତା ପାଇଁ ଦୃଢ଼ ପ୍ରତିବଦ୍ଧତାକୁ ପୁନର୍ବାର ଦୋହରାଇଛନ୍ତି। ବୈଠକ ଅବସରରେ ୯ମ ଏସଡବ୍ଲୁସି ବୈଠକରେ ଅନୁମୋଦିତ ଅନେକ ପ୍ରକଳ୍ପର ପ୍ରଗତି ଉପରେ ମଧ୍ୟ ଆଲୋଚନା ହୋଇଥିଲା।