କଂଗ୍ରେସରେ ମିଶିଲେ ବିଜେପି ବିଧାୟକ……

ରିପୋର୍ଟ କାର୍ଡ / ଭୋପାଳ

୨୦୨୦ରେ ଜ୍ୟୋତିରାଦିତ୍ୟ ସିନ୍ଧିଆଙ୍କ ସହ କଂଗ୍ରେସ ଛାଡ଼ି ବିଜେପିରେ ଯୋଗ ଦେଇଥିବା ମଧ୍ୟପ୍ରଦେଶ ବିଧାୟକ ବୈଜନାଥ ସିଂହ ଯାଦବ କଂଗ୍ରେସକୁ ଫେରିଛନ୍ତି | କିନ୍ତୁ ଏହା ଅପେକ୍ଷା ତାଙ୍କର ପ୍ରତ୍ୟାବର୍ତ୍ତନ ଯାତ୍ରା ଅଧିକ ଚର୍ଚ୍ଚାର ବିଷୟ ହୋଇଛି। ବୈଜନାଥ ୪୦୦ରୁ ଅଧିକ କାର୍‌ ସହିତ ସାଇରନ୍‌ ବଜାଇ ଶୋଭାଯାତ୍ରାରେ ଆସି କମଳନାଥ ଓ ଦିଗ୍‌ବିଜୟ ସିଂହଙ୍କ ଉପସ୍ଥିତିରେ କଂଗ୍ରେସରେ ଯୋଗ ଦେଇଛନ୍ତି। ତାଙ୍କ ପ୍ରତ୍ୟାବର୍ତ୍ତନ ଶୋଭାଯାତ୍ରା ଶିବପୁରୀଠାରୁ ଭୋପାଳ ପର୍ଯ୍ୟନ୍ତ ଲମ୍ବିଥିଲା | ସୂଚନାନୁଯାୟୀ, ବୈଜନାଥଙ୍କୁ ଆଗାମୀ ନିର୍ବାଚନରେ ବିଜେପି ଟିକଟ ମିଳିବା ଆଶା କମ୍ ଥିବାରୁ ସେ କଂଗ୍ରେସକୁ ଫେରିଛନ୍ତି। ତାଙ୍କ ସହିତ ବିଜେପିର ୧୫ଜଣ ଜିଲାସ୍ତରୀୟ ନେତା ମଧ୍ୟ କଂଗ୍ରେସରେ ସାମିଲ ହୋଇଛନ୍ତି। ବୈଜନାଥ ସାଇରନ୍‌ ବଜାଇବା ବେଆଇନ ବୋଲି ବିଜେପି ଅଭିଯୋଗ କରିଛି।