ବୋମ୍ମାଇ ହେଲେ କର୍ଣ୍ଣାଟକର ନୂଆ ମୁଖ୍ୟମନ୍ତ୍ରୀ…..

ରିପୋର୍ଟ କାର୍ଡ / ନୂଆଦିଲ୍ଲୀ

ସବୁ କଳ୍ପନା ଜଳ୍ପନାର ଅନ୍ତଘଟିଛି କର୍ଣ୍ଣାଟକର ବାସବରାଜ ବୋମ୍ମାଇ ହେଲେ ନୂଆ ମୁଖ୍ୟମନ୍ତ୍ରୀ | ୟେଦିୟୁରପ୍ପା ଇସ୍ତଫା ଦେବା ପରେ କିଏ ହେବେ ମୁଖ୍ୟମନ୍ତ୍ରୀ ଚର୍ଚ୍ଚା ଜୋରଧରିଥିଲା | ମଙ୍ଗଳବାର ଵିଧାୟକ ଦଳର ବୈଠକ ପରେ ଘୋଷଣା କରାଯାଇଛି | ବିଧାୟକ ଦଳ ବୈଠକରେ ୟେଦ୍ୟୁରପ୍ପା ହିଁ ବାସଭରାଜ ବୋମ୍ମାଇଙ୍କ ନାମ ମୁଖ୍ୟମନ୍ତ୍ରୀ ପଦ ପାଇଁ ପ୍ରସ୍ତାବ ଦେଇଥିଲେ । ଆସନ୍ତାକାଲି ଅପରାହ୍ନ ୩. ଟା ୨୦ରେ ନୂଆ ମୁଖ୍ୟମନ୍ତ୍ରୀ ଭାବେ ବୋମ୍ମାଇ ଶପଥ ନେବେ। ବିଧାୟକ ଦଳ ବୈଠକରେ ଚୂଡାନ୍ତ ରୂପ ଦେବାଲାଗି କେନ୍ଦ୍ର ପର୍ଯ୍ୟବେକ୍ଷକ ଧର୍ମେନ୍ଦ୍ର ପ୍ରଧାନ, ଅରୁଣ ସିଂହ ଓ ଜି କିଶନ ରେଡ୍ଡୀ ଉପସ୍ଥିତ ରହିଥିଲେ। ୟେଦ୍ୟୁରପ୍ପାଙ୍କ ଘନିଷ୍ଠ ସହଯୋଗୀ ରହିଥିବା ବୋମ୍ମାଇ ଜନତା ଦଳର ସଦସ୍ୟ ରହିଥିବା ବେଳେ୨୦୦୮ରେ ସେ ବିଜେପିରେ ଯୋଗ ଦେଇଥିଲେ । ତାଙ୍କ ପିତା ଏସ ଆର ବୋମ୍ମାଇ ମଧ୍ୟ ପୂର୍ବରୁ କର୍ଣ୍ଣାଟକର ମୁଖ୍ୟମନ୍ତ୍ରୀ ରହିଥିଲେ ।