ଚୀନ୍ ବିଦେଶ ମନ୍ତ୍ରୀ ନିଖୋଜ!….

ରିପୋର୍ଟ କାର୍ଡ / ନୂଆଦିଲ୍ଲୀ

ଚୀନ୍ ବିଦେଶ ମନ୍ତ୍ରୀ କିନ ଗାଙ୍ଗ ଗତ ପ୍ରାୟ ମାସେ ହେଲା ସାଧାରଣରେ ଦେଖିବାକୁ ମିଳିନାହାନ୍ତି। ଶେଷଥର ପାଇଁ ଗତମାସ ୨୫ ତାରିଖରେ ତାଙ୍କୁ ଏକ ବୈଠକରେ ଦେଖାଯାଇଥିଲା। ଚଳିତମାସ ୧୩ ଓ ୧୪ ତାରିଖରେ ଇଣ୍ଡୋନେସିଆର ଜାକର୍ତ୍ତାଠାରେ ଆସିଆନ ବିଦେଶ ମନ୍ତ୍ରୀଙ୍କ ବୈଠକ ଅନୁଷ୍ଠିତ ହୋଇଥିଲା। ଏଥିରେ କିନ୍ତୁ ସେ ଯୋଗ ଦେଇ ନଥିଲେ। ତାଙ୍କ ସ୍ଥାନରେ ପୂର୍ବତନ ବିଦେଶ ମନ୍ତ୍ରୀ ଚୀନର ପ୍ରତିନିଧିତ୍ବ କରିଥିଲେ। ବିଦେଶ ମନ୍ତ୍ରୀଙ୍କ ସ୍ବାସ୍ଥ୍ୟ ଖରାପ ଥିବା କାରଣରୁ ସେ ଆସି ନଥିବା ଅଧିକାରୀଙ୍କ ସୂତ୍ରରୁ ସୂଚନା ଦିଆଯାଇଥିଲା। କିନ୍ତୁ ଲୋକମାନେ ଏହାକୁ ସହଜରେ ଗ୍ରହଣ କରିପାରି ନାହାନ୍ତି। କିଛି ଲୋକ ଚର୍ଚ୍ଚା କରୁଛନ୍ତି ଯେ ସେ ଜଣେ ଜଣାଶୁଣା ଟିଭି ଉପସ୍ଥାପିକାଙ୍କ ପ୍ରେମରେ ବିଦେଶ ମନ୍ତ୍ରୀ ପଡ଼ିଛନ୍ତି।