ମୋଦୀ ସରକାରକୁ ପ୍ରଶଂସା କରି ବିରୋଧଙ୍କୁ ଚୁପ୍ କରାଇଲେ ନୀତୀଶ….

ରିପୋର୍ଟ କାର୍ଡ / ନୂଆଦିଲ୍ଲୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସରକାରଙ୍କ ତୃତୀୟ କାର୍ଯ୍ୟକାଳରେ ବିହାର ବିଷୟରେ ଅନେକ ଆଲୋଚନା ହେଉଛି। ବିହାରର ସ୍ୱତନ୍ତ୍ର ରାଜ୍ୟ ପାଇଁ ଦାବିକୁ କେନ୍ଦ୍ର ସରକାର ପୂର୍ବରୁ ପ୍ରତ୍ୟାଖ୍ୟାନ କରିସାରିଛନ୍ତି। ଆଜି ସଂସଦରେ ଉପସ୍ଥାପନ ହୋଇଥିବା ବଜେଟ୍ ୨୦୨୪ରେ ବିହାର ବିଶେଷ କିଛି ନାହିଁ। ବିହାରରେ ବିକାଶ କାର୍ଯ୍ୟକୁ ପ୍ରୋତ୍ସାହିତ କରିବାକୁ ଅର୍ଥମନ୍ତ୍ରୀ ନିର୍ମଳା ସୀତାରମଣ ମଧ୍ୟ ଘୋଷଣା କରିଛନ୍ତି। କିନ୍ତୁ ବିହାରକୁ କୌଣସି ବିଶେଷ ପାଣ୍ଠି ଦିଆଯାଇ ନାହିଁ । ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏହା ଉପରେ ନିଜର ପ୍ରତିକ୍ରିୟା ରଖିଛନ୍ତି। ବିରୋଧୀ ଦଳ ଦାବି କରିଥିଲେ ଯେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ବଜେଟ ପରେ ଅସନ୍ତୁସ ବ୍ୟକ୍ତ କରିପାରନ୍ତି । ତେବେ ବଜେଟ୍ ପରେ ନୀତୀଶଙ୍କ ପ୍ରତିକ୍ରିୟା ସମସ୍ତ ବିରୋଧୀଙ୍କୁ ଚକିତ କରିଛି । ମୋଦୀ ସରକାରଙ୍କ ବଜେଟକୁ ପ୍ରଶଂସା କରି ନୀତୀଶ କୁମାର କହିଛନ୍ତି ଆଜି ଯେଉଁମାନେ ଆଙ୍ଗୁଳି ଉଠାଊଛନ୍ତି ସେମାନଙ୍କ ସରକାର କେନ୍ଦ୍ରରେ ଥିବାବେଳେ ବିହାରର ବିକାଶ କାହିଁକି କରାଯାଇ ନ ଥିଲା ବୋଲି ପାଲଟା ପ୍ରଶ୍ନ କରିଛନ୍ତି। ୨୦୧୪ ପରେ, ବିହାରରେ ବିକାଶ ଆରମ୍ଭ ହୋଇଛି। ଏହା ଏବେ ଜାରି ରହିଛି ବୋଲି ନୀତୀଶ କହିଛନ୍ତି। ବିହାରକୁ ସ୍ବତନ୍ତ୍ର ରାଜ୍ୟ ମାନ୍ୟତା ଦାବି ଉପରେ ନୀତୀଶ କୁମାର କହିଛନ୍ତି ଯେ ଆମେ କେନ୍ଦ୍ର ସରକାରଙ୍କ ନିକଟରେ ଦୁଇଟି ପ୍ରସ୍ତାବ ଉପସ୍ଥାପନ କରିଥିଲୁ। ପ୍ରଥମେ, ବିହାରକୁ ଏକ ସ୍ବତନ୍ତ୍ର ରାଜ୍ୟର ମାନ୍ୟତା ଦିଆଯିବା ଉଚିତ ଏବଂ ଦ୍ବିତୀୟରେ ଯଦି ସ୍ବ ତନ୍ତ୍ର ମାନ୍ୟତା ଦିଆଯାଉ ନାହିଁ, ତେବେ ବିହାରକୁ ବିଶେଷ ସହାୟତା ଦିଅନ୍ତୁ କାରଣ ବିହାରକୁ ମଧ୍ୟ ଆଗକୁ ବଢ଼ିବାକୁ ପଡିବ। ବିହାର ପାଇଁ ମୋଦୀ ସରକାର ବହୁତ କିଛି କରିଛନ୍ତି। ନୀତୀଶ କହିଛନ୍ତି ଯେ ରାଜ୍ୟରେ କେତେ ରାସ୍ତା, ବିଦ୍ୟାଳୟ ଏବଂ ଅନେକ ନୂତନ ଜିନିଷ ନିର୍ମାଣ କରାଯାଇଛି। ପୂର୍ବରୁ ବିହାରର ରାଜଧାନୀ ପାଟନାରେ ସନ୍ଧ୍ୟା ପରେ କେହି ବାହାରକୁ ଯାଇପାରୁ ନ ଥିଲେ। ବିହାରକୁ ସାହାଯ୍ୟ କରିବାକୁ ଆମେ ସରକାରଙ୍କୁ କହିଥିଲୁ ଏବଂ ବଜେଟରେ କେତେ ସହାୟତା ଘୋଷଣା କରାଯାଇଛି ତାହା ସ୍ପଷ୍ଟ ହୋଇଛି।