ଫିଲ୍ମ ଷ୍ଟାଇଲରେ ଗାଡ଼ି ଚଳାଇ ତଣ୍ଡ ଗଣିଲେ ବିବେକ

ମୁମ୍ବାଇ: ଫିଲ୍ମ ଷ୍ଟାଇଲରେ ଗାଡ଼ି ଚଳାଇ ତଣ୍ଡ ଗଣିଲେ ବଲିଉଡ ଅଭିନେତା ବିବେକ ଓବରାୟ । ବିନା ହେଲମେଟରେ ଗାଡ଼ି ଚଲାଉଥିବାରୁ ଟ୍ରାଫିକ ପୋଲିସ୍ ଚାଲାଣ କାଟିଛି । ଏହାଛଡ଼ା ତାଙ୍କ ବିରୋଧରେ ଟ୍ରାଫିକ ନିୟମ ଅନୁସାରେ କାର୍ଯ୍ୟାନୁଷ୍ଠାନ ହୋଇଛି । ସୂଚନାନୁସାରେ ମୁମ୍ବାଇ ପୋଲିସକୁ ସୋସିଆଲ ମିଡିଆରେ ସାମାଜିକ କାର୍ଯ୍ୟକର୍ତା ଡାଃ ବିନୁ ଭର୍ଗିସଙ୍କୁ ଏକ ଅଭିଯୋଗ ମିଳିଥିଲା । ସେହି ଅଭିଯୋଗ ଆଧାରରେ ପୋଲିସ ଶୁକ୍ରବାର କାର୍ଯ୍ୟାନୁଷ୍ଠାନ କରିଛି । ବିବେକ ଫେବୃଆରୀ ୧୪ରେ ତାଙ୍କ ଇନଷ୍ଟା ପେଜରେ ଏକ ଭିଡିଓ ଅପଲୋଡ କରିଥିଲେ । ଯେଉଁଥିରେ ସେ ବିନା ହେଲମେଟରେ ପତ୍ନୀଙ୍କୁ ପଛରେ ବସାଇ ବାଇକ ଚଳାଉଥିବାର ଦେଖାଯାଇଛି । ଏଥିଲାଗି ତାଙ୍କୁ ୫ଶହ ଟଙ୍କାର ଚାଲାଣ ଧରାଇ ଦିଆଯାଇଛି । ଏହାଛଡ଼ା ମୁମ୍ବାଇ ପୋଲିସ ତାଙ୍କ ବିରୋଧରେ ଭାରତୀୟ ଦଣ୍ଡବିଧି ଆଇନ ଅନୁସାରେ ଏକ ମୋକଦ୍ଦମା ମଧ୍ୟ ରୁଜୁ କରିଛି ।