ଧାରା ୩୭୦ ଉଚ୍ଛେଦ ବିରୁଦ୍ଧରେ ଯୁକ୍ତି ବାଢ଼ିଥିବା ଅଧ୍ୟାପକ ନିଲମ୍ୱିତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଜାମ୍ମୁ କାଶ୍ମରୀରର ଜଣେ ଅଧ୍ୟାପକଙ୍କୁ ନିଲମ୍ୱନ ମାମଲାର ଯାଞ୍ଚ କରିବାକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ। କେଉଁ କାରଣରୁ ତାଙ୍କୁ ଚାକିରିରୁ ବହିଷ୍କୃତ କରାଗଲା ସେ ବାବଦରେ ପୁଙ୍ଖାନୁପୁଙ୍ଖ ତଦନ୍ତ ପାଇଁ ନିର୍ଦ୍ଦେଶ ଦେଇଛନ୍ତି। ସମ୍ପୃକ୍ତ ଅଧ୍ୟାପକ ଜଣକ କିଛିଦିନ ତଳେ ଭାରତୀୟ ସମ୍ବିଧାନର ଧାରା ୩୭୦ ଉଚ୍ଛେଦକୁ ନେଇ କୋର୍ଟରେ ପକ୍ଷ ରଖିଥିବାରୁ ତାଙ୍କ ଉପରେ ଏପରି ଉଦ୍ଦେଶ୍ୟମୂଳକ ଭାବେ କାର୍ଯ୍ୟାନୁଷ୍ଠାନ ନିଆଯାଇଥିବା ସନ୍ଦେହ କରିଛନ୍ତି ସର୍ବୋଚ୍ଚ ଅଦାଲତ। କେନ୍ଦ୍ରର ବରିଷ୍ଠ ଆଇନ ଅଧିକାରୀଙ୍କୁ ଏ ବାବଦରେ ଜାମ୍ମୁ କାଶ୍ମୀର ଲେଫ୍ଟନାଣ୍ଟ ଗଭର୍ଣ୍ଣର ମନୋଜ ସିହ୍ନାଙ୍କ ସହ କଥା ହେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ଅଧ୍ୟାପକଙ୍କ ନିଲମ୍ବନ, ତାଙ୍କର କୋର୍ଟରେ ହାଜର ହେବା ସହ ସଂଶ୍ଳିଷ୍ଟ ଅଛି କି ନାହିଁ ସେ ବାବଦରେ ଜାଣିବାକୁ ଚାହିଁଛନ୍ତି। ଅଦାଲତରେ ଅଧ୍ୟାପକ ପକ୍ଷ ରଖିବାର କିଛି ଦିନ ପରେ ଏପରି କାର୍ଯ୍ୟାନୁଷ୍ଠାନ ପ୍ରତିଶୋଧମୂଳକ ନିଆଯାଇଥିବା କୋର୍ଟ କହିଛନ୍ତି। ଜହୁର ଅହମ୍ମଦ ଭଟ୍ଟ ଜମ୍ମୁ କାଶ୍ମୀରର ଏକ ରାଜନୀତି ବିଜ୍ଞାନ ଅଧ୍ୟାପକ ଭାବେ କାର୍ଯ୍ୟରତ ଥିଲେ। ସେ ବୁଧବାର ସୁପ୍ରିମକୋର୍ଟ ପ୍ରଧାନ ବିଚାରପତି ଡି ଚନ୍ଦ୍ରଚୁଡଙ୍କ ନେତୃତ୍ୱରେ ସୁପ୍ରିମକୋର୍ଟର ପାଞ୍ଚ ଜଣିଆ ଖଣ୍ଡପିଠରେ ହାଜର ହୋଇଥିଲେ। ଏହି ଖଣ୍ଡପିଠରେ ଧାରା ୩୭୦ ଉଚ୍ଛେଦ ନେଇ ଶୁଣାଣି ଚାଲିଥିଲା ଏବଂ ଅଧ୍ୟାପକ ଭଟ୍ଟ ଧାରା ଉଚ୍ଛେଦ ବିରୋଧରେ ତାଙ୍କ ମତାମତ ରଖିଥିଲେ।