ଜୋତା କାରଖାନାରେ ଅଗ୍ନିକାଣ୍ଡ, ମିଳୁନି ୬ କର୍ମଚାରୀଙ୍କ ପତ୍ତା….

ରିପୋର୍ଟ କାର୍ଡ / ନୂଆଦିଲ୍ଲୀ

ଦିଲ୍ଲୀର ଉଦୟୋଗ ବିହାର ସ୍ଥିତ ଏକ ଜୋତା କାରଖାନାରେ ଆଜି ଅଗ୍ନିକାଣ୍ଡ ଘଟିଛି। ନିଆଁ ଏତେ ଜୋରରେ ଲାଗିଛି ଯେ ସାରା ଅଞ୍ଚଳ ଧୂଆଁମୟ ହୋଇଯାଇଛି । ଖବର ପାଇ ଘଟଣାସ୍ଥଳରେ ଅଗ୍ନିଶମ ବାହିନୀର ୨୪ଟି ଟିମ୍ ପହଞ୍ଚିଥିଲେ । ଯୁଦ୍ଧକାଳୀନ ଭିତ୍ତିରେ ଆରମ୍ଭ ହୋଇଥିଲା ନିଆଁ ଲିଭା କାମ । କାରଖାନା ମାଲିକଙ୍କ କହିବା ଅନୁଯାୟୀ ରାତିରେ କାମ ପାଇଁ ରହିଥିବା ୬ କର୍ମଚାରୀଙ୍କର କୌଣସି ପତ୍ତା ମିଳୁନି। ଏଯାଏଁ କୌଣସି ଜୀବନହାନୀ ହୋଇଥିବା ନେଇ ଖବର ମିଳିନାହିଁ। ନିଆଁ ଲାଗିବାର କାରଣ ଅସ୍ପଷ୍ଟ ରହିଛି।