କୃମିନାଶକ ଔଷଧ ବଣ୍ଟନ…..

ରିପୋର୍ଟ କାର୍ଡ / ଭୁବନେଶ୍ବର

ଆଜି ସାରା ରାଜ୍ୟରେ କୃମିନାଶକ ଔଷଧ ମାଗଣାରେ ଖାଇବାକୁ ଦିଆଯାଉଛି । ରକ୍ତହୀନତା ଓ ଅପପୁଷ୍ଟି ଦୂର କରିବା ଆଭିମୁଖ୍ୟ ଗ୍ରହଣ କରାଯାଇଛି | ୧ରୁ ୧୯ ବର୍ଷ ବୟସ୍କ ପିଲାଙ୍କୁ ଏହି ଔଷଧ ବଣ୍ଟାଯିବ। ଏଥିସହିତ ଅଗଷ୍ଟ ମାସର ପ୍ରତି ବୁଧବାର ଟିକାକରଣ ଦିବସରେ ୯ ମାସରୁ ୫ ବର୍ଷ ପର୍ଯ୍ୟନ୍ତ ପିଲାଙ୍କୁ ଭିଟାମିନ ‘କ’ ଦ୍ରବଣ ଖାଇବାକୁ ମାଗଣା‌େ‌ର ଦିଆଯିବ ବୋଲି ପରିବାର କଲ୍ୟାଣ ନିର୍ଦେଶକ ଡା. ବିଜୟ କୁମାର ପାଣିଗ୍ରାହୀ କହିଛନ୍ତି। ରାଜ୍ୟର ୧,୬୮,୩୧,୬୭୯ ହିତାଧିକାରୀଙ୍କୁ କୃମିନାଶକ ଔଷଧ ଖାଇବାକୁ ଦିଆଯିବ। ସରକାରୀ ଓ ବେସରକାରୀ ୫୫,୫୦୯ ବିଦ୍ୟାଳୟ ଓ ୭୪,୧୪୬ ଅଙ୍ଗନବାଡିରେ ପଢୁଥିବା ସମସ୍ତ ପିଲା ଏହି ଔଷଧ ଖାଇପାରିବେ  | ଏହି ବୟସ ମଧ୍ୟରେ ବିଦ୍ୟାଳୟକୁ ଯାଉ ନ ଥିବା ପିଲାଙ୍କୁ ସେମାନଙ୍କ ଅଞ୍ଚଳରେ ଅଙ୍ଗନବାଡି କେନ୍ଦ୍ରରେ ଅଙ୍ଗନବାଡି ଓ ଆଶାକର୍ମୀ ଔଷଧ ଦେଉଛନ୍ତି । ୩୫,୧୯,୫୫୪ ହିତାଧିକାରୀଙ୍କୁ ଭିଟାମିନ ‘କ’ ଦ୍ରବଣ ବଣ୍ଟନ କରିବାକୁ ଲକ୍ଷ୍ୟ ରଖାଯାଇଛି। ସକାଳ ୮ଟାରୁ ଅପରାହ୍ଣ ୪ଟା ପର୍ଯ୍ୟନ୍ତ ଔଷଧ ଖାଇବାକୁ ଦିଆଯିବାକୁ ଦିଆଯାଉଛି | ଏହି କାର୍ଯ୍ୟ ପାଇଁ ୬୯,୨୮୭ ଜଣ ଶିକ୍ଷକ , ଏଏନଏମ ୭୮୭୯, ଅଙ୍ଗନବାଡି କର୍ମୀ ୭୨,୮୯୩ ଏବଂ ୪୮ ହଜାର ଆଶାକର୍ମୀ ଔଷଧ ବଣ୍ଟନ କାର୍ଯ୍ୟକ୍ରମରେ ନିୟୋଜିତ ହୋଇଛନ୍ତି । ଅଗଷ୍ଟ ୧୨ ରେ କୌଣସି କାରଣବଶତଃ ଏହି ଔଷଧ ଖାଇ ପାରୁ ନ ଥିବା ପିଲାଙ୍କୁ ୧୯ ତାରିଖରେ ଆଉଥରେ ବଣ୍ଟନ କରାଯିବାର କାର୍ଯ୍ୟକ୍ରମ ରହିଛି।