ବ୍ୟାଙ୍କରେ ଖଣ୍ଡା ଧରିଆତଙ୍କ ଖେଳାଇଲେ ଯୁବ…..

ରିପୋର୍ଟ କାର୍ଡ / ଢେଙ୍କାନାଳ

କାମାକ୍ଷାନଗର ଥାନା ମୁକ୍ତାପଶି ସ୍ଥିତ ଓଡ଼ିଶା ଗ୍ରାମ୍ୟ ବ୍ୟାଙ୍କରେ ଖଣ୍ଡା ଧରି ଜଣେ ଯୁବକଆତଙ୍କ ଖେଳାଇ ଥିଲେ। ତାଙ୍କୁ ଅଟକାଇବାକୁ ଯାଇ ଆହତ ହୋଇଛନ୍ତି ସିକ୍ୟୁରିଟୀ ଗାର୍ଡ। ବ୍ୟାଙ୍କ ଶାଖାରେ କର୍ମଚାରୀମାନେ ନିଜ ନିଜ କାମକରୁଥିବା ବେଳେ ଉପସ୍ଥିତ ଅନେକ ଲୋକ ମଧ୍ୟ ନିଜ ନିଜ କାମ ପାଇଁ ଆସିଥିଲେ। ଏହି ସମୟରେ ଯୁବକ ଜଣଙ୍କ ଏକ ଖଣ୍ଡା ଧରି ବ୍ୟାଙ୍କ ଭିତରକୁ ପଶି ଆସିଥିଲେ। ସେ ଖଣ୍ଡା ଦେଖାଇ କର୍ମଚାରୀ ଓ ଅନ୍ୟ ଲୋକଙ୍କୁ ଭୟଭୀତ କରାଇଥିଲେ। ତା’ ସହିତ ସମସ୍ତଙ୍କୁ ଅଶ୍ଲୀଳ ଭାଷାରେ ଗାଳି କରିଥିଲେ। ବ୍ୟାଙ୍କର ସିକ୍ୟୁରିଟୀ ଗାର୍ଡ ତାଙ୍କୁ ଅଟକାଇବାକୁ ପ୍ରୟାସ କରିଥିଲେ। ଯୁବକ ଜଣଙ୍କ ତାଙ୍କୁ ଖଣ୍ଡାରେ ଆକ୍ରମଣ କରିବାରୁ ତାଙ୍କ ହାତରେ ଗଭୀର ଆଘାତ ଲାଗିଛି। ପରେ ଯୁବକ ଜଣଙ୍କ ସେଠାରୁ ପଳାଇ ଯାଇଥିଲେ। ନିଶାସକ୍ତ ଅବସ୍ଥାରେ ସେ ଏପରି କରିଥିବା ଅନୁମାନ କରାଯାଉଛି। କାମାକ୍ଷାନଗର ପୋଲିସ ବ୍ୟାଙ୍କରେ ପହଞ୍ଚି ତଦନ୍ତ କରିଥିବା ବେଳେ ଯୁବକ ଜଣଙ୍କ ଫେରାର ହୋଇଯାଇଛନ୍ତି। ପୋଲିସ ତାଙ୍କୁ ଧରିବାକୁ ପ୍ରୟାସ କରୁଥିବା ଜଣାପଡିଛି |