ମଝି ଆକାଶରେ ବିମାନରୁ ଉଡ଼ିଗଲା ଝରକା……

ରିପୋର୍ଟ କାର୍ଡ / ନୂଆଦିଲ୍ଲୀ

ଗୋଟିଏ ଝରକା ଓ କବାଟରୁ ଖଣ୍ଡେ ଭାଙ୍ଗି ଉଡ଼ିଯିବାରୁ ‘ଏଲସ୍କା ଏୟାର୍‌ଲାଇନ୍‌ସ୍‌’ର ଗୋଟାଏ ବୋଇଙ୍ଗ୍‌ ବିମାନ ଆମେରିକୀୟ ପ୍ରଦେଶ ଓରେଗନ୍‌ରେ ଜରୁରୀକାଳନୀ ଅବତରଣ କରିଥିବା ଜଣାପଡିଛି | ଜଣେ ଯାତ୍ରୀ ପଠାଇଥିବା ଫଟୋରେ ଦେଖାଯାଉଛି ପ୍ରସ୍ଥାନ ପଥ ଧାଡ଼ିରେ ଥିବା ଗୋଟାଏ କବାଟ ଓ ଝରକା ନାହିଁ। କିନ୍ତୁ, ଏହି ଅଘଟଣରେ କେହି ଆହତ ହୋଇଛନ୍ତ କି, ନାହିଁ, ତାହା ଜଣାପଡ଼ିନି। ଅନ୍ୟ କେତେକ ଯାତ୍ରୀ ଉତ୍ତୋଳନ କରିଥିବା ଭିଡିଓରେ ଦେଖାଯାଉଛି ଯେ, ବିମାନରୁ ‘ମିଡ୍‌-କ୍ୟାବିନ୍‌ ଡୋର୍‌’ ସମ୍ପୂର୍ଣ୍ଣ ପୃଥକ୍‌ ହୋଇଯାଇଛି। ସଂଗୃହୀତ ସୂଚନା ଅନୁସାରେ, ଅପରାହ୍ଣ ୪.୫୨ରେ ବିମାନଟି ପୋର୍ଟଲାଣ୍ଡ୍‌ରୁ କାଲିଫର୍ଣ୍ଣିଆ ଅନ୍ତର୍ଗତ ଅଣ୍ଟାରିଓ ଅଭିମୁଖେ ଯାତ୍ରା କରୁଥିଲା। କିନ୍ତୁ, ଅପରାହ୍ଣ ୫.୩୦ ପୂର୍ବରୁ ପୁଣି ଫେରି ଆସିଲା। ‘ଏକ୍ସ’ ପୋଷ୍ଟ୍‌ରେ ଏଲସ୍କା ଏୟାର୍‌ଲାଇନ୍‌ସ୍‌ କହିଛି: ପୋର୍ଟଲାଣ୍ଡ୍‌ରୁ କାଲିଫର୍ଣ୍ଣିଆର ଅଣ୍ଟାରିଓ ଅଭିମୁଖେ ଉଡ଼ାଣ ଆରମ୍ଭ କରିବା ପରେ ପରେ ଆଜି ସନ୍ଧ୍ୟାରେ ‘ଏଏସ୍‌୧୨୮୨’ ଦୁର୍ଘଟଣାଗ୍ରସ୍ତ ହୋଇଛି। ୧୭୧ଜଣ ଯାତ୍ରୀ ଓ ୬ଜଣ ପରିଚାରକ ଥିବା ଉକ୍ତ ବିମାନଟି ନିରାପଦରେ ଫେରିଆସି ପୋର୍ଟଲାଣ୍ଡ୍‌ ଆନ୍ତର୍ଜାତିକ ବିମାନ ବନ୍ଦରରେ ଅବତରଣ କରିଛି। ଘଟଣା ସଂକ୍ରାନ୍ତରେ ଆମେ ତଦନ୍ତ କରୁଛୁ। ଯାହା ସୂଚନା ମିଳିବ ତୁରନ୍ତ ଅବଗତ କରାଇବୁ।