ଗୀତିକାର ନାସିର ଫରାଜଙ୍କ ପରଲୋକ…..

ରିପୋର୍ଟ କାର୍ଡ / ନୂଆଦିଲ୍ଲୀ

ବଲିଉଡ଼ର ଲୋକପ୍ରିୟ ଗୀତିକାର ନାସିର ଫରାଜଙ୍କ ପରଲୋକ ଘଟିଛି । ନାସିର ହୃଦ୍‌ରୋଗରେ ପୀଡ଼ିତ ଥିଲେ। ନାସିର ୨୦୧୦ରେ ମୁକ୍ତିଲାଭ କରିଥିବା ‘କାଇଟ୍ସ’ ଚଳଚ୍ଚିତ୍ରର ଦୁଇଟି ସୁପରହିଟ୍‌ ଗୀତ ରଚନା କରିଥିଲେ। ସେ ଏକାଧାରରେ ସଙ୍ଗୀତକାର ଓ ସଙ୍ଗୀତ ନିର୍ଦେଶକ ମଧ୍ୟ ଥିଲେ। ସେ ବାଜିରାଓ ମସ୍ତାନୀ, କ୍ରିସ୍‌, କାବିଲ ଓ ଏତ୍‌ବାର୍ ଆଦି ଅନେକ ଚଳଚ୍ଚିତ୍ର ପାଇଁ ଗୀତ ଲେଖିଛନ୍ତି। ତାଙ୍କ ବନ୍ଧୁ ତଥା ଗାୟକ ମୁଜ୍‌ତବା ଅଜିଜ୍‌ ନାଜା ନାସିରଙ୍କ ବିୟୋଗ ଖବର ଦେଇଛନ୍ତି। ରବିବାର ସନ୍ଧ୍ୟାରେ ତାଙ୍କ ଛାତିରେ ଯନ୍ତ୍ରଣା ହୋଇଥିଲା, କିନ୍ତୁ ସେ ଡାକ୍ତରଖାନା ଯାଇ ନଥିଲେ।