ରିପୋର୍ଟ କାର୍ଡ / ନୂଆଦିଲ୍ଲୀ
ଶୁକ୍ରବାର ପୂର୍ବତନ ଆଇପିଏସ୍ ଅମିତାଭ ଠାକୁରଙ୍କୁ ହଜରତଗଞ୍ଜ ପୋଲିସ ଗିରଫ କରିଛି । ତାଙ୍କ ବିରୋଧରେ ହଜରତଗଞ୍ଜ ଥାନାରେ ମାମଲା ରୁଜୁ କରାଯାଇଛି । ଅଭିଯୋଗ ରହିଛି କି ସେ ବଳାତ୍କର ପୀଡ଼ିତାଙ୍କୁ ଆତ୍ମହତ୍ୟା କରିବାକୁ ଉସକାଉ ଥିଲେ । ଏସ୍ଏସ୍ଆଇ ଦୟାଶଙ୍କର ଦ୍ୱିବେଦୀଙ୍କ ଅଭିଯୋଗ ଉପରେ ଏହି ମାମଲା ରୁଜୁ ହାଇଛି । ଗିରଫ ହୋଇଥିବା ଖବର ନିଜେ ଅମିତାଭ ଠାକୁର ଟୁଇଟ୍ କରି ସୂଚନା ଦେଇଛନ୍ତି । ସୂଚନାଯୋଗ୍ୟ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ବିପକ୍ଷରେ ନିର୍ବାଚନ ଲଢିବାକୁ ଘୋଷଣା କରିବା ପରେ ଅମିତାଭଙ୍କୁ ୨୧ ଅଗଷ୍ଟରୁ ଗୃହବନ୍ଦୀ କରି ରଖାଯାଇଥିଲା । ୨୧ ଅଗଷ୍ଟରେ ସେ ଗୋରଖପୁର ଓ ଅଯୋଧ୍ୟା ଯିବାର କାର୍ଯ୍ୟକ୍ରମ ଥିଲା । ଶୁକ୍ରବାର ତାଙ୍କ ନାଁରେ ହଜରତଗଞ୍ଜ ଥାନାରେ ମାମଲା ରୁଜୁ କରାଯାଇଥିଲା । ଏହାପରେ ତାଙ୍କୁ ଗିରଫ କରାଯାଇଛି । ଅମିତାଭ ଠାକୁରଙ୍କ ଉପରେ ବଳାତ୍କାର ଅଭିଯୁକ୍ତ ବହୁଜନ ସମାଜ ପାର୍ଟି ନେତା ଅତୁଲ ରାୟଙ୍କୁ ସହଯୋଗ କରିବାର ଅଭିଯୋଗ ରହିଛି ।
More Stories
ଭଙ୍ଗାଯିବ ବିବାଦୀୟ ବୈକୁଣ୍ଠଧାମ ଆଶ୍ରମ…..
ବିଧାୟକଙ୍କୁ ଆକ୍ରମଣ ଘଟଣାରେ ୧୦ ଗିରଫ…..
ବିଜେଡି ପୁଣି ସରକାରକୁ ଫେରିବା ଅବାସ୍ତବ କଥା….