ଶୁଭଫଳ ପାଇବେ…..

ରିପୋର୍ଟ କାର୍ଡ / ଭୁବନେଶ୍ବର

ମେଷ: ଅଶ୍ବିନୀ ଓ ଦ୍ବିଜା ନକ୍ଷତ୍ର ଜାତ ସାଧବା ମହିଳାମାନେ ନିର୍ଜ୍ବଳା ଉପବାସ ରହି ତାଙ୍କ ସ୍ବାମୀଙ୍କୁ ମହାବିପଦରୁ ରକ୍ଷା କରିବାକୁ ପାରଙ୍ଗମ ହେବେ। ସତ୍‌ ପରାୟଣ ହେବେ।ବୃଷ: ମୃଗଶିରା ନକ୍ଷତ୍ର ଜାତ ସଧବାମାନେ ପଞ୍ଚଗ୍ରହ କୂଟର ସମ୍ମୁଖୀନ ହୋଇ ବି ତାଙ୍କର ପତି ପରାୟଣାଭାବକୁ ଉଜ୍ଜ୍ବଳମୟ କରିବେ। କୃତ୍ତିକା ଓ ରୋହିଣୀ ନକ୍ଷତ୍ର ଜାତ ମଧ୍ୟ ଶୁଭଫଳ ପାଇବେ।ମିଥୁନ: ଆଦ୍ରା ଓ ମୃଗଶିରା ନକ୍ଷତ୍ର ଜାତ ସଧବାମାନେ ଜୀବନର ମହାନ୍‌ ସାବିତ୍ରୀ ବ୍ରତରେ ବ୍ରତୀ ହୋଇ ସ୍ବାମୀଙ୍କ ମହାବିପଦକୁ ଟାଳିଦେବେ। ପୁନର୍ବସୁ ମଧ୍ୟ ଅନୁରୂପ ଫଳ ପ୍ରାପ୍ତହେବେ। ଈଶ୍ବରଙ୍କ ଭକ୍ତିରେ ଶକ୍ତି ସମ୍ପନ୍ନ ହେବେ।କର୍କଟ: ପୁଷ୍ୟା ନକ୍ଷତ୍ର ଜାତ ସଧବାମାନେ ନିଜ ସ୍ବାମୀଙ୍କ ଦୀର୍ଘ ଜୀବନ କାମନା କରି ବ୍ରତ ଆଚରଣରେ କାଳ ଦେବତାଙ୍କୁ ସନ୍ତୁଷ୍ଟ କରି ଶୁଭଫଳ ପ୍ରାପ୍ତ ହେବେ। ପୁନର୍ବସୁ ଓ ଅଶ୍ଳେଷାକଷ୍ଟ ସହି ଶୁଭ ଫଳ ପାଇବେ।ସିଂହ: ମଘାନକ୍ଷତ୍ର ଜାତ ସଧବାମାନେ ଉପବାସ ଜନିତ ଦୃଢ଼ ବ୍ରତ ଆଚରଣ କରି ସ୍ବାମୀଙ୍କର ସଙ୍କଟମୋଚନ ଭୂମିକା ଗ୍ରହଣ କରିବେ। ଉତ୍ତରା ଫାଲ୍‌ଗୁନୀ ଓ ପୂର୍ବ ଫାଲ୍‌ଗୁନୀର ମଧ୍ୟ ବହୁ ଶୁଭଫଳ।କନ୍ୟା: ଚିତ୍ରା ଓ ଉତ୍ତରା ଫାଲ୍‌ଗୁନୀ ନକ୍ଷତ୍ର ଜାତ ସଧବାମାନେ ପତିଭକ୍ତିରେ ଅଟଳ ରହି କାଳପୁରୁଷଠାରୁ ସ୍ବାମୀଙ୍କ ଜୀବନ ରକ୍ଷା କରିବାରେ ସିଦ୍ଧହସ୍ତ ହେବେ। ହସ୍ତା ନକ୍ଷତ୍ର ଜାତ ସଧବା ଆଶାନୁରୂପ ଶୁଭଫଳ ପାଇବେ।ତୁଳା: ସ୍ବାତୀ ଓ ଚିତ୍ରା ନକ୍ଷତ୍ରଜାତ ସଧବାମାନେ ଅସହ୍ୟ କଷ୍ଟ ଓ ଅସୁସ୍ଥତାକୁ ଜଳାଞ୍ଜଳି ଦେଇ ସ୍ବାମୀଙ୍କୁ ସଙ୍କଟରୁ ମକ୍ତ କରିବେ। ବିଶାଖା ନକ୍ଷତ୍ର ଜାତ ସଧବାମାନେ ଅନୁରୂପ ଫଳ ପ୍ରାପ୍ତି ହେବେ।ବିଛା: ଅନୁରାଧା ନକ୍ଷତ୍ର ଜାତ ସଧବାମାନେ ନିର୍ଜଳା ଉପବାସର ଚରମ କଷ୍ଟ ସହି ସ୍ବାମୀ ଭକ୍ତିରେ ବିଲୀନ ହୋଇ ପୂଜାର୍ଚ୍ଚନାରେ କାଳଦେବତାଙ୍କୁ ସନ୍ତୁଷ୍ଟ କରି ଶୁଭଫଳ ପାଇବେ। ବିଶାଖା ଓ ଜ୍ୟେଷ୍ଠା ଅନୁରୂପ ଶୁଭଫଳ ପ୍ରାପ୍ତହେବେ।ଧନୁ: ମୂଳା ଓ ଉତ୍ତରାଷାଢ଼ା ନକ୍ଷତ୍ର ଜାତ ରତିଜିତା ପଣ୍ଡିତ। ସାଧବାଣୀମାନେ ନିଜେ ଦୃଢ଼ବତ ଆଚରଣ କରି ଅନ୍ୟାନ୍ୟ ବ୍ରତଧାରୀ ସଧବାଙ୍କର ସହାୟତା କରି ଅତି ଶୁଭଫଳ ପାଇବେ। ପୂର୍ବାଷଢ଼ାଙ୍କର ମଧ୍ୟ ଶୁଭଫଳ ପାଇବେ।ମକର: ଧନିଷ୍ଠା ଓ ଉତ୍ତରାଷାଢ଼ା ନକ୍ଷତ୍ରଜାତ ସଧବାମାନେ କାଳପୁରୁଷଙ୍କୁ ପ୍ରେମଭକ୍ତି ନିବେଦନରେ ସନ୍ତୁଷ୍ଟ କରି ସ୍ବାମୀଙ୍କୁ ମହାବିପଦରୁ ମୁକ୍ତ କରିବେ। ଶ୍ରବଣାନକ୍ଷତ୍ର ଜାତ ସଧବା ଅନୁରୂପ ଫଳ ପାଇବେ।କୁମ୍ଭ: ଶତଭିଷା ନକ୍ଷତ୍ରଜାତ ସଧବାମାନେ ଧର୍ମ ପରାୟଣୀ ହୋଇ ଓ ଦାନ, ଧ୍ୟାନ କରି ତତ୍‌ଜନିତ ପୁଣ୍ୟ ବଳରେ ସ୍ବାମୀଙ୍କ ଜୀବନ ରକ୍ଷାକାରୀ ହେବେ। ଧାନିଷ୍ଠା ଓ ପୂର୍ବଭଦ୍ରା ନକ୍ଷତ୍ର ଜାତ ସଧବା ବହୁ ଶୁଭଫଳ ପାଇବେ।ମୀନ: ଉତ୍ତରା ଭାଦ୍ରପଦ ନକ୍ଷତ୍ର ଜାତ ସଧବା ନିଜର ପ୍ରାତ୍ପ୍ୟୁପନ୍ନମତି କଥାରେ ବରଦାନ କ୍ଷେତ୍ରରେ କାଳପୁରୁଷଙ୍କୁ ଅସୁବିଧାରେ ପକାଇ ସ୍ବାମୀଙ୍କ ଜୀବନ ରକ୍ଷା ସହିତ ପୁତ୍ରବତୀ ହେବାର ଆଶୀର୍ବାଦ ପାଇବେ।