ପ୍ରେମୀ ଓ ସାହସୀ ହେବେ…..

ରିପୋର୍ଟ କାର୍ଡ / ଭୁବନେଶ୍ୱର

ମେଷ: ଉଦାର ମାନବିକତାରୂପକ ଧର୍ମ ଧାରଣ କରିପାରନ୍ତି। ସତ୍ୟ ପ୍ରତି ଆଗ୍ରହ ପ୍ରକାଶ କରି ସତ୍ୟାଗ୍ରହୀ ହେବେ। ଶୋଭନ ବ୍ୟକ୍ତିତ୍ବସମ୍ପନ୍ନ ହେବେ। କୃଷକମାନଙ୍କର ତାଲିମଦାତା ହେବେ। ଶ୍ରେଷ୍ଠ ହେବେ।

ବୃଷ: ସଂଘର୍ଷମୟ ଜୀବନର କଷ୍ଟ ସହ୍ୟ କଲେ ଈଶ୍ବରାଭିମୁଖୀ ହେବେ। ମନ ପ୍ରସନ୍ନ ରହିବ। ଭାଷାର ମାଧୁରିମା ବିରୋଧୀଙ୍କୁ ଆକର୍ଷିତ କରିପାରେ। ପ୍ରେମୀ ଓ ସାହସୀ ହେବେ। ଭ୍ରାତୃଭାବ ଅତୁଟ ରହିବ।

ମିଥୁନ: କେବଳ ଭାଗ୍ୟ ନୁହେଁ; ସଶକ୍ତ ଆତ୍ମବଳରେ ବଳୀୟାନ୍‌ ହୋଇପାରନ୍ତି। ଭାଷା ମଧୁର ଓ ସହନଶୀଳ ମନୋଭାବ ଶାନ୍ତିଦାୟକ ହୋଇପାରେ। ପତ୍ନୀଙ୍କ ସହଯୋଗ ମଧୁମୟ ହେବ। ମିତ୍ର ସୁଖ ମିଳିବ।

କର୍କଟ: ଧର୍ମୀୟ ବିଚାରରେ ଉଦାର ସ୍ବଭାବର ହେବେ। ବନ୍ଧୁବତ୍ସଳ ହୋଇପରନ୍ତି। ଶ୍ରୀଚନ୍ଦ୍ର ଭୋଗ ହେତୁ ଐଶ୍ବର୍ଯ୍ୟ ପ୍ରାପ୍ତିର ସୂଚନା ମିଳୁଛି। ଲାଗି ରହିଥିବା ମୋକଦ୍ଦମାର ବିଚାର ଆପଣଙ୍କ ସପକ୍ଷରେ ଯିବ।

ସିଂହ: ସାଧନାର ସ୍ବର୍ଣ୍ଣିମ ସୂତ୍ର ଏକାନ୍ତବାସକୁ ଆଦରି ନେଇପାରନ୍ତି। ଧର୍ମୀୟ କାର୍ଯ୍ୟରେ ମନ, ଶରୀର ଓ ଆତ୍ମାକୁ ସମର୍ପଣ କରିବେ। ଚତୁର୍ବେଦର ସାର ଓଁକାର ଭଜନ କରିବେ। ସ୍ନେହବୋଳା କଥା କହି ସବୁରି ପ୍ରିୟ ହେବେ।
କନ୍ୟା: ଜୀବନର ସାରବତ୍ତାକୁ ପାଥେୟ କରି ସେବା ଓ ଦାନ କ୍ଷେତ୍ରରେ ଅଗ୍ରଗଣ୍ୟ ହୋଇପାରନ୍ତି। ପୂଜ୍ୟପୂଜାର ପାତ୍ର ହେବେ। ସରକାରୀ କାର୍ଯ୍ୟ ସହାୟକ ହେବେ। ଅର୍ଥାଗମର ମାର୍ଗ ଉନ୍ମୁକ୍ତ ଅଛି।

ତୁଳା: ନୈତିକତାର ମହାମନ୍ତ୍ରରେ ଅଭିମନ୍ତ୍ରିତ ହୋଇପାରନ୍ତି। ଦୈବୀ ବଳରେ ମହାଦ୍ୟୂତିସମ୍ପନ୍ନ ହୋଇପାରନ୍ତି। ଅତିମାନସ ଜ୍ଞାନଜ୍ୟୋତିକୁ ଉନ୍ମୋଚନ କରିବେ। ପରସ୍ପର ସ୍ନେହ ରଖି ଘରକୁ ବୈକୁଣ୍ଠ ସମାନ କରିବେ।
ବିଛା: କାୟ ମନୋବାକ୍ୟରେ ଧର୍ମ ଆଚରଣ କରିପାରନ୍ତି। ସ୍ବକର୍ମ ବଳରେ ନିଜର ଭାଗ୍ୟକୁ ନିଜେ ନିୟନ୍ତ୍ରଣ କରିବେ। ଜୀବନ ସୁଖସମୃଦ୍ଧିପୂର୍ଣ୍ଣ ହେବ। ବିଦ୍ବାନ୍‌, ସାହସୀ, ଧର୍ମାତ୍ମା ଓ ସମ୍ପତ୍ତିବାନ୍‌ ହେବେ।

ଧନୁ: ପ୍ରଥମେ ଉପୁଜିଥିବା ବ୍ୟତିକ୍ରମକୁ ମନୋବଳରେ ଅତିକ୍ରମ କରି ଆଗକୁ ବଢ଼ିପାରନ୍ତି। ମନର ଆବେଗକୁ ସମର୍ପି ଦେଇପାରନ୍ତି। ବୈପ୍ଳବିକ ବିବର୍ତ୍ତନ ଦେଖା ଦେଇପାରେ। ସତର୍କରେ ଚଳିବାକୁ ପଡ଼ିବ।

ମକର: ପବିତ୍ର ଭାବନା ନେଇ ସେବା କ୍ଷେତ୍ରରେ ଅବତୀର୍ଣ୍ଣ ହୋଇପାରନ୍ତି; ମାତ୍ର ସ୍ବାର୍ଥ ତ୍ୟାଗୀ ହେବା ବାଞ୍ଛନୀୟ। ବିରହର ଦାବାଗ୍ନିରେ ଦଗ୍ଧ ହୋଇଥିବାରୁ ଚନ୍ଦନ ଶିତଳା ପତ୍ନୀଙ୍କ ସାହଚର୍ଯ୍ୟ ପ୍ରାଣସ୍ପର୍ଶୀ ହେବ।
କୁମ୍ଭ: ସେବା ଭାବନାରେ ଉନ୍ମୁଖ ହୋଇପାରନ୍ତି। ଆହ୍ବାନ୍‌ଗୁଡ଼ିକୁ ଉତ୍କର୍ଷର ଶିଡ଼ି କରିପାରନ୍ତି। ପ୍ରତ୍ୟୁତ୍ପନ୍ନମତିସମ୍ପନ୍ନ ହେବେ। ଆପଣଙ୍କ ରଚନା ନୀତିଶିକ୍ଷା ଓ ମୂଲ୍ୟବୋଧ ଭିତ୍ତିକ ସାମାଜିକ ସ୍ତରରେ ଗ୍ରହଣୀୟ ହେବ।
ମୀନ: ଆପଣ ନିଜର ସ୍ବାଭାବିକ ଦୈନଦିନ କର୍ମରେ ତତ୍ପରତାର ସହିତ ଲାଗି ରହି ଥିବାରୁ ଭଗବତ୍‌ ପ୍ରାପ୍ତି ରୂପକ ପରମ ସିଦ୍ଧି ପ୍ରାପ୍ତ ହେବେ। ବିଦ୍ୟାର୍ଥୀମାନେ ଅଧ୍ୟୟନରତ ହୋଇପାରନ୍ତି। ଈଶ୍ବର ବିଶ୍ବାସୀ ହେବେ।