ଶରୀରରେ ଚୁମ୍ବକ ପରି ଲାଗୁଛି ଚାମଚ……

ରିପୋର୍ଟ କାର୍ଡ / ନୂଆଦିଲ୍ଲୀ

ଶରୀରରେ ଚାମଚ ଲଗାଇ ଗିନିଜ୍ ୱାର୍ଲଡ ରେକର୍ଡ କରିଛନ୍ତି ଇରାନର କରାଜରେ ରହୁଥିବା ୫୦ ବର୍ଷୀୟ ଅବୁଫାଜାଲ ସାବର ମୋଖ୍‌ଚାରୀ  |   ଶରୀରରେ ସର୍ବାଧିକ ୮୫ଟି ଚାମଚ ଲଗାଇ ବିଶ୍ୱ ରେକର୍ଡ ସୃଷ୍ଟି କରିଥିବା ଜଣାପଡିଛି | ମୋଖତାରୀ କୁହନ୍ତି, “ମୁଁ ପିଲାଦିନେ ହଠାତ୍ ଏହି ପ୍ରତିଭା ବିଷୟରେ ଜାଣିଲି। କିନ୍ତୁ ଦୀର୍ଘ ବର୍ଷର ଅଭ୍ୟାସ ଏବଂ ପ୍ରୟାସ ପରେ ମୁଁ ଏହି ପ୍ରତିଭାକୁ ଦୃଢ କରିବାରେ ସକ୍ଷମ ହୋଇଛି ଏବଂ ମୁଁ ଆଜି ଏଥିପାଇଁ ସଫଳ । ତୃତୀୟ ପ୍ରୟାସରେ ଅବୁଫାଜାଲ ଏହି ଅଦ୍ଭୁତ ବିଶ୍ୱ ରେକର୍ଡ ସୃଷ୍ଟି କରିଛନ୍ତି । ଏହାପୂର୍ବରୁ, ଦେହରେ ସର୍ବାଧିକ ଚାମଚ ଲଗାଇବାର ରେକର୍ଡ ସ୍ପେନର ମାର୍କୋଜ୍ ରୁଇଜ୍ ସେବାଲୋଜ କରିଥିଲେ। ସେ ତାଙ୍କ ଦେହରେ ୬୪ଟି ଚାମଚ ଲଗାଇ ଲଗାଇଥିଲେ। ଗିନିଜ ୱାର୍ଲ୍ଡ ରେକର୍ଡ ଦ୍ୱାରା ଇନଷ୍ଟାଗ୍ରାମରେ ଅବୁଫାଜାଲଙ୍କ ଏକ ଭିଡିଓ ମଧ୍ୟ ପୋଷ୍ଟ କରାଯାଇଛି। ଯେଉଁଥିରେ ଚାମଚ ତାଙ୍କ ଦେହରେ ଗୋଟିଏ ପରେ ଗୋଟିଏ ରଖାଯାଇଥିବା ଦେଖାଯାଇଛି। ଅବୁଫାଜାଲ ଏହି ଚାମଚକୁ ରଖିଛନ୍ତି ଯେମିତି ତାଙ୍କ ଶରୀରରେ ଚୁମ୍ବକ ଲାଗିଛି। ଅବୁଫାଜାଲ ସାବର ମୋଖତାରୀ ଇରାନର ମ୍ୟାଗ୍ନେଟ୍ ମ୍ୟାନ୍ ଭାବରେ ମଧ୍ୟ ଜଣାଶୁଣା।