NHRC ନୂତନ ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କଲେ ସୁପ୍ରିମକୋର୍ଟର ପୂର୍ବତନ ବିଚାରପତି ଅରୁଣ କୁମାର ମିଶ୍ର….

ରିପୋର୍ଟ କାର୍ଡ / ନୂଆଦିଲ୍ଲୀ

ସୁପ୍ରିମକୋର୍ଟର ପୂର୍ବତନ ବିଚାରପତି ଜଷ୍ଟିସ ଅରୁଣ ମିଶ୍ର ବୁଧବାର ଜାତୀୟ ମାନବାଧିକାର କମିଶନର ନୂତନ ଅଧ୍ୟକ୍ଷ ଭାବେ ଦାୟିତ୍ୱ ଗ୍ରହଣ କରିଛନ୍ତି | ଏନେଇ ସରକାରୀ ସୂତ୍ରରୁ ପ୍ରକାଶ ପାଇଛି । ଡିସେମ୍ବର ୨୦୨୦ରେ ଭାରତର ପୂର୍ବତନ ପ୍ରଧାନ ବିଚାରପତି ଜଷ୍ଟିସ୍ ଏଚ୍ ଏଲ୍ ଦତ୍ତୁ ତାଙ୍କ କାର୍ଯ୍ୟକାଳ ଶେଷ କରିଥିବାରୁ NHRC ମୁଖ୍ୟଙ୍କ ପଦ ଖାଲି ରହିଥିଲା । ସୂଚନା ଅନୁଯାୟୀ, “ଜଷ୍ଟିସ ଅରୁଣ ମିଶ୍ର ଆଜି ଜାତୀୟ ମାନବ ଅଧିକାର ଆୟୋଗର ନୂତନ ଚେୟାରମ୍ୟାନ୍ ଭାବରେ ଯୋଗ ଦେଇଛନ୍ତି। ଗୋଟିଏ ପ୍ୟାନେଲ ସଦସ୍ୟ ମଧ୍ୟ ଏଥିରେ ଯୋଗ ଦେଇଛନ୍ତି।” ଜଷ୍ଟିସ୍ ଦତ୍ତୁ ଡିସେମ୍ବର ୨, ୨୦୧୫ରେ ସିଜେଆଇ ଭାବରେ ଅବସର ନେବା ପରେ ଫେବୃଆରୀ ୨୯, ୨୦୧୬ ରେ ଏନ୍‌ଏଚ୍‌ଆର୍‌ସିରେ ଯୋଗ ଦେଇଥିଲେ। ଉଲ୍ଲେଖଯୋଗ୍ୟ, ଜଷ୍ଟିସ୍ ମିଶ୍ର ୨୦୧୪ରେ ସୁପ୍ରିମକୋର୍ଟର ବିଚାରପତି ଭାବରେ ଦାୟିତ୍ବ ଗ୍ରହଣ କରିଥିଲେ ଏବଂ ଗତ ବର୍ଷ ସେପ୍ଟେମ୍ବରରେ ସର୍ବୋଚ୍ଚ ନ୍ୟାୟାଳୟରୁ ଅବସର ନେଇଥିଲେ। ଜଷ୍ଟିସ ଅରୁଣ ମିଶ୍ର କଲିକତା ଏବଂ ରାଜସ୍ଥାନ ହାଇକୋର୍ଟ ଏବଂ ମଧ୍ୟପ୍ରଦେଶ ହାଇକୋର୍ଟରେ ପ୍ରଧାନ ବିଚାରପତି ଭାବରେ କାର୍ଯ୍ୟ କରିଥିଲେ। ତାଙ୍କ ପିତା ସ୍ୱର୍ଗତ ହରଗୋବିନ୍ଦ ମିଶ୍ର ମଧ୍ୟ ମଧ୍ୟପ୍ରଦେଶ ହାଇକୋର୍ଟର ବିଚାରପତି ଥିଲେ। ମିଶ୍ର ପ୍ରଥମେ ଅକ୍ଟୋବର ୧୯୯୯ ରେ ମଧ୍ୟପ୍ରଦେଶ ହାଇକୋର୍ଟର ବିଚାରପତି ହୋଇଥିଲେ ଏବଂ ୨୦୧୦ ପର୍ଯ୍ୟନ୍ତ ସେ ସେଠାରେ ରହିଥିଲେ।