ଜ୍ୟୋତି ମାଲହୋତ୍ରାଙ୍କ ପାକିସ୍ତାନ ଲିଙ୍କ୍‌ର ପର୍ଦ୍ଦାଫାଶ, ଚାର୍ଜଶିଟ୍‌ ଦାଖଲ……

ରିପୋର୍ଟ କାର୍ଡ / ନୂଆଦିଲ୍ଲୀ

ପାକିସ୍ତାନ ପାଇଁ ଗୁପ୍ତଚର ଅଭିଯୋଗରେ ଗିରଫ ହୋଇଥିବା ୟୁଟ୍ୟୁବର ଜ୍ୟୋତି ମାଲହୋତ୍ରାଙ୍କ ବିରୋଧରେ ଚାର୍ଜଶିଟ୍‌ ଦାଖଲ କରାଯାଇଛି। ହିସାର ପୋଲିସ କୋର୍ଟରେ ଏହି ୨୫୦୦ ପୃଷ୍ଠାର ଚାର୍ଜଶିଟ୍‌ ଦାଖଲ କରିଛି। ସୂତ୍ର ଅନୁଯାୟୀ, ଜ୍ୟୋତିଙ୍କ ପାକିସ୍ତାନ ଲିଙ୍କ୍‌ର ପର୍ଦ୍ଦାଫାଶ ହୋଇଛି। ହରିୟାଣା ପୋଲିସ ସୂତ୍ର ଅନୁଯାୟୀ, ସ୍ବତନ୍ତ୍ର ତଦନ୍ତ ଦଳ (SIT) ଦ୍ୱାରା ଦାଖଲ କରାଯାଇଥିବା ଚାର୍ଜଶିଟ୍‌ରେ ପୋଲିସ ଦାବି କରିଛି ଯେ, ଜ୍ୟୋତିଙ୍କୁ ପାକିସ୍ତାନ ପାଇଁ ଏକ ଟୁଲକିଟ୍‌ ଭାବରେ ବ୍ୟବହାର କରାଯାଉଥିଲା। ପୋଲିସ କହିଛି, ଜ୍ୟୋତି ପାକିସ୍ତାନୀ ଏଜେଣ୍ଟମାନଙ୍କ ସହିତ ସୂଚନା ଶେୟାର କରୁଥିଲେ ଏବଂ ସେମାନଙ୍କ ସହିତ ନିରନ୍ତର ଯୋଗାଯୋଗରେ ଥିଲେ। ଜ୍ୟୋତି ତାଙ୍କ ପାକିସ୍ତାନ ଗସ୍ତ ସମୟରେ ସେଠାକାର ଏଜେଣ୍ଟମାନଙ୍କ ସହିତ ଯୋଗାଯୋଗ କରିଥିଲେ। ପୋଲିସ ଜ୍ୟୋତିଙ୍କ ମୋବାଇଲରୁ ଅନେକ ଗୁରୁତ୍ୱପୂର୍ଣ୍ଣ ସୂଚନା ପାଇଛି।ପୋଲିସ ଜ୍ୟୋତି ଏବଂ ଦାନିଶଙ୍କ ମଧ୍ୟରେ ଚାଟ୍‌ ମଧ୍ୟ ପାଇଛି। ୟୁଟ୍ୟୁବର ଜ୍ୟୋତି ପାକ ହାଇ କମିଶନରେ ନିଯୁକ୍ତ ଦାନିଶ ଅଲ୍ଲୀଙ୍କ ସହିତ ନିରନ୍ତର ଯୋଗାଯୋଗରେ ଥିଲେ। ପୋଲିସ ଜ୍ୟୋତି ଏବଂ ଦାନିଶଙ୍କ ମଧ୍ୟରେ ଚାଟ୍‌ ମଧ୍ୟ ପାଇଛି। ଜ୍ୟୋତି ଆଇଏସ୍‌ଆଇ ଏଜେଣ୍ଟ ଶାକିର, ହାସନ ଅଲି ଏବଂ ନାସିର ଢିଲୋନଙ୍କ ସହିତ କଥା ହେଉଥିଲେ। ଜ୍ୟୋତି ଏବଂ ହାସନ ନାମକ ଜଣେ ଏଜେଣ୍ଟଙ୍କ ମଧ୍ୟରେ ଚାଟ୍‌ ମଧ୍ୟ ପୋଲିସ ପାଇଛି।ଏହା ସହିତ କେସ୍‌ ଡାଏରୀରେ ଜ୍ୟୋତିଙ୍କ ସମସ୍ତ ବିଦେଶ ଯାତ୍ରାର ମଧ୍ୟ ଉଲ୍ଲେଖ କରାଯାଇଛି। ଜ୍ୟୋତି ‘ଟ୍ରାଭେଲ ଓ୍ବିଥ୍‌ ଜିଓ’ ନାମକ ଏକ ୟୁଟ୍ୟୁବଖ ଚ୍ୟାନେଲ ଚଲାଉଥିଲେ, ଯାହାକୁ ପୋଲିସ ୧୬ ମେ’ ୨୦୨୫ରେ ଗିରଫ କରିଥିଲା ଏବଂ ସେବେଠାରୁ ସେ ନ୍ୟାୟିକ ହେପାଜତରେ ଅଛନ୍ତି। ଏହି ମାମଲାରେ ହରିୟାଣା ପୋଲିସ ଅନେକ ସୋସିଆଲ ମିଡିଆ ପ୍ରଭାବଶାଳୀଙ୍କୁ ସମନ ଜାରି କରି ପଚରାଉଚରା କରିଥିଲା। ପାକିସ୍ତାନ ହାଇକମିଶନରେ ନିଯୁକ୍ତ ଏହସାନ-ଉର୍‌-ରହିମ ଓରଫ ଦାନିଶଙ୍କୁ ଗୁପ୍ତଚର କାର୍ଯ୍ୟରେ ସମ୍ପୃକ୍ତ ଥିବା ଅଭିଯୋଗରେ ୧୩ ମେ’ରେ ବହିଷ୍କାର କରାଯାଇଥିଲା। ଜ୍ୟୋତିଙ୍କ ବିରୋଧରେ ସରକାରୀ ଗୁପ୍ତ ଆଇନ ଏବଂ ଭାରତୀୟ ଦଣ୍ଡ ସଂହିତାର ଧାରା ଅନୁଯାୟୀ ଏକ ମାମଲା ରୁଜୁ କରାଯାଇଛି।