କର୍ଣ୍ଣାଟକରେ କଂଗ୍ରେସ ଆଗୁଆ…..

ରିପୋର୍ଟ କାର୍ଡ / ନୂଆଦିଲ୍ଲୀ

କର୍ଣ୍ଣାଟକ ବିଧାନସଭା ନିର୍ବାଚନର ଭୋଟ ଗଣତି ସକାଳ ୮ଟାରୁ ଆରମ୍ଭ ହୋଇଯାଇଛି | ୫ ରାଉଣ୍ଡ ଗଣତି ସୁଦ୍ଧା କଂଗ୍ରେସ ଆଗରେ ରହିଛି ୧୧୪ , ବିଜେପି ୭୯, ଜେଡିଏସ ୨୬ , ଅନ୍ୟାନ ୫ ରହିଛି | ରାଜ୍ୟର ୩୬ଟି କେନ୍ଦ୍ରରେ ଭୋଟ ଗଣତି ଜାରିରହିଛି । ଏଥିପାଇଁ ନିର୍ବାଚନ ଆୟୋଗଙ୍କ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। ଭୋଟ ଗଣତିକୁ ଦୃଷ୍ଟିରେ ରଖି ବେଙ୍ଗାଲୁରୁ ଜିଲାରେ ୧୪୪ଧାରା ଜାରି କରାଯାଇଛି । ସକାଳ ୬ଟାରୁ ରାତି ୧୨ଟା ପର୍ଯ୍ୟନ୍ତ ବେଙ୍ଗାଲୁରୁ ସହର ସହିତ ସମଗ୍ର ଜିଲାରେ ୧୪୪ଧାରା ବଳବତ୍ତର ରହିବ। ସେହିପରି ବେଙ୍ଗାଲୁରୁ ପୋଲିସ ଆୟୁକ୍ତ ଅଞ୍ଚଳରେ ଶନିବାର ମଦବିକ୍ରିକୁ ନିଷିଦ୍ଧ କରାଯାଇଛି। ରାଜ୍ୟର ୨୨୪ ଆସନ ପାଇଁ ବୁଧବାର ଭୋଟ ଗ୍ରହଣ ହୋଇଥିଲା।