ଜମ୍ମୁରେ ଭୟଙ୍କର ଭୂସ୍ଖଳନ,୩ ମୃତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଲଗାଣ ବର୍ଷା ଯୋଗୁ ଜମ୍ମୁରେ ଏକ ବଡ଼ ଧରଣର ଭୂସ୍ଖଳନ ଘଟିଛି। ଫଳରେ ୩ ଜଣଙ୍କର ମୃତ୍ୟୁ ହୋଇଛି । ରାମବନ ଜିଲ୍ଲାର ଜମ୍ମୁ-ଶ୍ରୀନଗର ଜାତୀୟ ରାଜପଥର ଏକ ଅଂଶୁ ଗୁରୁତର ଭାବରେ ପ୍ରଭାବିତ ହୋଇଛି। ଯାହା ଫଳରେ ଯାତାୟାତ ସମ୍ପୂର୍ଣ୍ଣ ଠପ୍‌ ହୋଇଯାଇଛି। ପଥର, କାଦୁଅ ଏବଂ ଭଗ୍ନାବଶେଷର ଏକ ଘନସ୍ତର ତଳେ ପୋତି ହୋଇଯାଇଛି ରାଜପଥ, ଫଳରେ ଶହଶହ ଯାନବାହନ ଏବଂ ମାଲବାହୀ ଗାଡ଼ି ଫସି ରହିଛି। ଅନେକ ଘରର ଛାତ ଭୁଶୁଡ଼ି ରାସ୍ତାରେ ଏହାର ଭଗ୍ନାବଶେଷ ପଡ଼ିଛି। ରାମବନରେ ବର୍ଷା ଯୋଗୁ ଭୂସ୍ଖଳନ ହୋଇଥିଲା, ଅନେକ ଯାନ ଗଭୀର ଗର୍ତ୍ତରେ ଖସି ପଡ଼ିଥିବା ଦେଖିବାକୁ ମିଳିଛି। ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଜାରି ରହିଛି। ତେବେ ମାଟିତଳେ ଆହୁରି ଅନେକ ଲୋକ ଫସି ରହିଥିବା ଆଶଙ୍କା କରାଯାଉଛି।