ସଞ୍ଜୟ ସିଂହଙ୍କ ବାସଭବନରେ ‘ଇଡି’ ଚଢ଼ଉ……

ରିପୋର୍ଟ କାର୍ଡ / ନୂଆଦିଲ୍ଲୀ

ଏକାଧିକ ବାର କେନ୍ଦ୍ରୀୟ ଏଜେନ୍‌ସି ଦିଲ୍ଲୀ ସରକାରଙ୍କ ବିରୋଧରେ ଆଗତ ଦୁର୍ନୀତି ଅଭିଯୋଗରେ ବେଆଇନ ଭାବେ ଉପାର୍ଜିତ ‘ପଇସାଟିଏ’ ପାଇବାରେ ବିଫଳ ହୋଇଛି। ଆଜି ପ୍ରବର୍ତ୍ତନ ନିର୍ଦେଶାଳୟ ‘ଆପ୍‌’ ନେତା ସଞ୍ଜୟ ସିଂହଙ୍କ ବାସଭବନରେ ‘ପ୍ରବର୍ତ୍ତନ ନିର୍ଦେଶାଳୟ’ କରୁଥିବା ଚଢ଼ଉ କରିଥିଲା | ଏହା ଉପରେ ପ୍ରତିକ୍ରିୟା ବ୍ୟକ୍ତ କରି ‘ଆପ୍‌’ ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଗଣମାଧ୍ୟମକୁ କହିଛନ୍ତି, ଆଗରୁ ୧୦୦୦ ଚଢ଼ଉ କ‌ରି ମଧ୍ୟ କିଛି ମିଳିନାହିଁ, ତାଙ୍କ ବାସଭବନରୁ କିଛି ମିଳିବ ନାହିଁ। ଆଗାମୀ ୨୦୨୪ ନିର୍ବାଚନରେ ହାରିବେ ବୋଲି ସେମାନେ ଜାଣି ସାରିଛନ୍ତି। ଏହା ସେମାନଙ୍କର ହତାଶିଆ ଉଦ୍ୟମ। ନିର୍ବାଚନ ନକଟତର ହେଲେ , ‘ଇଡି’ ଓ ‘ସିବିଆଇ’ ଭଳି ସମସ୍ତ ଏଜେନ୍‌ସି ସକ୍ରିୟ ହୋଇ ଉଠନ୍ତି। ସୂଚନାଯୋଗ୍ୟ, ଦିଲ୍ଲୀ ମଦ ନୀତି ମାମଲାରେ ସମ୍ପୃକ୍ତ ଥିବା କାରଣରୁ ଆଜି ‘ଆପ୍‌’ ନେତା ସଞ୍ଜୟ ସିଂହଙ୍କ ବାସଭବନରେ ‘ପ୍ରବର୍ତ୍ତନ ନିର୍ଦେଶାଳୟ’ ଚଢ଼ଉ କରିଛି। ସଞ୍ଜୟ ସିଂହଙ୍କ ବାପା ଦିନେଶ ସିଂହ କହିଛନ୍ତି, ସେମାନେ ‘ପ୍ରବର୍ତ୍ତନ ନିର୍ଦେଶାଳୟ’କୁ ସହଯୋଗ କରୁଛନ୍ତି। ‘ପ୍ରବର୍ତ୍ତନ ନିର୍ଦେଶାଳୟ’ ତା’ର କାର୍ଯ୍ୟ କରୁଛି। ବାରମ୍ବାର ଆସିବା ପରିବର୍ତ୍ତେ ବିଳମ୍ବିତ ରାତ୍ର ପର୍ଯ୍ୟନ୍ତ ଚଢ଼ଉ ଜାରି ରଖିବା ପାଇଁ ମୁଁ ସେମାନଙ୍କୁ କହି ଦେଇଛି। କେଜ୍ରିୱାଲ୍‌ କହିଛନ୍ତି, ସେମାନ‌େ ଖାଲି ‘ଦୁର୍ନୀତି’ ଅଭିଯୋଗ କରୁଛନ୍ତି। ମୁଁ ଗୁଡ଼ାଏ ତଦନ୍ତ କଲି କିନ୍ତୁ, କିଛି ପାଇଲି ନାହିଁ। ସଞ୍ଜୟ ସିଂହଙ୍କ ଘରୁ ମଧ୍ୟ ସେମାନେ କିଛି ପାଇବେ ନାହିଁ। କେଜ୍ରିୱାଲ୍‌ଙ୍କ ପାର୍ଟି ‘ଆପ୍‌’ ମଧ୍ୟ ଅଭିଯୋଗ କରିଛି ଯେ, ସଂସଦରେ ‘ଆଦାନି ଗ୍ରୁପ୍‌’ ସମ୍ବନ୍ଧୀୟ ପ୍ରସଙ୍ଗ ଉତ୍ଥାପନ କରିଥିବାରୁ ‘ପ୍ରବର୍ତ୍ତନ ନିର୍ଦେଶାଳୟ’ ସେମାନଙ୍କ ରାଜ୍ୟସଭା ସାଂସଦ ସଞ୍ଜୟ ସିଂହଙ୍କୁ ‘ଟାର୍ଗେଟ୍‌’ କରିଛି। ପୂର୍ବରୁ ମଧ୍ୟ ‘ଇଡି’ କିଛି ପାଇ ନାହିଁ ଆଜି ମଧ୍ୟ କିଛି ପାଇବ ନାହିଁ। ଗତକାଲି ସେମାନେ କେତେକ ସାମ୍ବାଦିକମାନଙ୍କ ବାସଭବନରେ ଚଢ଼ଉ କରିଥିଲେ ଆଜି ସଞ୍ଜୟ ସିଂହଙ୍କ ବାସଭବନରେ ଚଢ଼ଉ କରିଛନ୍ତି।