ଖୋଲା ଯୁଦ୍ଧ ଘୋଷଣା କଲା ପାକିସ୍ତାନ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆଫଗାନସ୍ତାନ ଏବଂ ପାକିସ୍ତାନ ମଧ୍ୟରେ ପୁନର୍ବାର ସଂଘର୍ଷ ପରେ ଆଫଗାନ ତାଲିବାନ ସରକାରଙ୍କ ବିରୁଦ୍ଧରେ “ଖୋଲା ଯୁଦ୍ଧ” ଘୋଷଣା କରିଛି ପାକିସ୍ତାନ।
ଶୁକ୍ରବାର ଦିନ ପାକିସ୍ତାନ ଆଫଗାନସ୍ତାନର କାବୁଲ ଏବଂ କାନ୍ଦାହାରରେ ବୋମା ପକାଇବା ପରେ ଉତ୍ତେଜନା ବୃଦ୍ଧି ପାଇଛି। ଆଫଗାନ ସେନା ପାକିସ୍ତାନୀ ସୈନିକଙ୍କୁ ଆକ୍ରମଣ କରିବାର କିଛି ଘଣ୍ଟା ପରେ ଯାହା ତାଲିବାନ ସରକାର କହିଛି ଯେ, ଏହା ହେଉଛି ପାକିସ୍ତାନ ଆକ୍ରମଣର ପ୍ରତିଶୋଧ। ଅନ୍ୟପଟେ ପାକିସ୍ତାନ ଦାବି କରିଛି ଯେ, ସେ ୧୩୩ ଜଣ ଆଫଗାନ ସୈନିକଙ୍କୁ ନିହତ କରିଛି। ଆଫଗାନିସ୍ତାନ ଦାବି କରିଛି ଯେ, ତା’ର ଆକ୍ରମଣରେ ୫୫ ଜଣ ପାକିସ୍ତାନୀ ସୈନିକଙ୍କ ମୃତ୍ୟୁ ହୋଇଛି। ପାକିସ୍ତାନର ପ୍ରତିରକ୍ଷା ମନ୍ତ୍ରୀ ଖାୱାଜା ଆସିଫ୍ “ଏକ୍ସ” ରେ ପୋଷ୍ଟ କରି କହିଛନ୍ତି, ଆମର ଧର୍ଯ୍ୟ ଶେଷସୀମାରେ ପହଞ୍ଚିଛି। ଏବେ ଏହା ଆମ ଏବଂ ତୁମ ମଧ୍ୟରେ ଖୋଲା ଯୁଦ୍ଧ। ପାକିସ୍ତାନୀ ସୈନ୍ୟ ଆଫଗାନିସ୍ତାନ ବିରୁଦ୍ଧରେ ‘ଗଜାବ ଲିଲ ହକ୍’ ଅପରେସନ୍ ଆରମ୍ଭ କରିଛନ୍ତି। ଉଭୟ ପଟେ ହିଂସା ବୃଦ୍ଧି ପାଇବା ସହିତ, ଉଭୟ ସେନା କହିଛନ୍ତି ଯେ ସେମାନେ ଅନ୍ୟ ପାର୍ଶ୍ୱରେ ଡଜନ ଡଜନ ସୈନିକଙ୍କୁ ହତ୍ୟା କରିଛନ୍ତି, ଯାହା ଫଳରେ କାତାର ମଧ୍ୟସ୍ଥତାରେ ହୋଇଥିବା ଯୁଦ୍ଧବିରତି କ୍ରମଶଃ ଅସ୍ଥିର ଦେଖାଯାଉଛି।